1 CENTRAL BANK APPROVES REGULATION ON DIGITAL CURRENCY WWW.MONTSAME.MN PUBLISHED:2018/04/23      2 TOURIST ARRIVALS TO MONGOLIA UP 11 PCT IN Q1 WWW.XINHUANET.COM PUBLISHED:2018/04/23      3 CENTRAL ASIA TRIO TEST INVESTOR CONVICTION WWW.FINANCIALTRIBUNE.COM PUBLISHED:2018/04/23      4 YARMAG TWIN BRIDGES PLANNED TO OPEN IN NOVEMBER WWW.THEUBPOST.MN PUBLISHED:2018/04/23      5 TAKING A CLOSER LOOK AT MONGOLIAN CASHMERE INDUSTRY WWW.THEUBPOST.MN PUBLISHED:2018/04/23      6 CHINA TRASH BAN IS A GLOBAL RECYCLING WAKE UP CALL WWW.CNN.COM PUBLISHED:2018/04/23      7 INSURANCE SECTOR IN GDP WWW.GOGO.MN PUBLISHED:2018/04/23      8 OFFSHORE ASSETS OF SOME GOVERNMENT OFFICIALS DISCLOSED WWW.UBINFO.MN PUBLISHED:2018/04/23      9 YUAN BECOMING SAFE HAVEN FOR INVESTORS AMID RUSSIA-US STANDOFF WWW.RT.COM PUBLISHED:2018/04/23      10 TREATED WASTEWATER TO BE REUSED WWW.MONTSAME.MN PUBLISHED:2018/04/23      МОНГОЛЫН СПОРТЫН ХАМГИЙН ТОМ ГЭРЭЭ WWW.UBINFO.MN НИЙТЭЛСЭН:2018/04/23     ТАВАНТОЛГОЙ ХК: IV/26-НД 2017 ОНЫ НОГДОЛ АШИГ ХУВААРИЛАХ ТУЗ-ИЙН ШИЙДВЭР ТАНИЛЦУУЛНА WWW.BLOOMBERGTV.MN НИЙТЭЛСЭН:2018/04/23     УЛААНБААТАР ХОТЫН 1.4 САЯ ИРГЭНЭЭС 57792 ХҮН ИХ ЦЭВЭРЛЭГЭЭНД ОРОЛЦЖЭЭ WWW.GOGO.MN НИЙТЭЛСЭН:2018/04/23     Ч.ХҮРЭЛБААТАР:ДЭЛХИЙД, АЗИД ЭДИЙН ЗАСАГ 2018, 2019 ОНУУДАД ӨСӨХӨӨР БАЙГАА НЬ МАНАЙД ЭЕРЭГ НӨЛӨӨТЭЙ WWW.EAGLE.MN НИЙТЭЛСЭН:2018/04/23     ТАЙВАНЬ МОНГОЛЫН АЖ АХУЙН НЭГЖ, БИЗНЕС ЭРХЛЭГЧДИЙН УЯЛДАА ХОЛБООГ САЙЖРУУЛАХ БОЛОМЖ БҮРДЭВ WWW.NEWS.MN НИЙТЭЛСЭН:2018/04/23     НИЙСЛЭЛИЙН ХЭМЖЭЭНД ЗАМ ТЭЭВРИЙН ОСОЛ 30.5 ХУВИАР БУУРЧЭЭ WWW.MONTSAME.MN НИЙТЭЛСЭН:2018/04/23     “S&P” АГЕНТЛАГ МОНГОЛ УЛСЫН УРТ ХУГАЦААНЫ ЗЭЭЛЖИХ ЗЭРЭГЛЭЛИЙГ "B-" ТҮВШИНД БАТАЛГААЖУУЛЛАА WWW.BLOOMBERGTV.MN НИЙТЭЛСЭН:2018/04/23     ЗГ: САЙЖРУУЛСАН ТҮЛШИНД 4 ТЭРБУМ ТӨГРӨГИЙН ДЭМЖЛЭГ, 46.1 ТЭРБУМ ТӨГРӨГИЙН БАТАЛГАА ГАРГАНА WWW.BLOOMBERGTV.MN НИЙТЭЛСЭН:2018/04/23     32,9 МЯНГАН ТОНН БУУДАЙН ҮРЭЭР 210 МЯНГАН ГА ТАЛБАЙГ ХАНГАНА WWW.NEWS.MN НИЙТЭЛСЭН:2018/04/20     “ЧИНГИС ХААН” НИСЭХ БУУДЛЫН ОЙРОЛЦООХ 1.09 ГА ГАЗРЫГ 138 САЯ ТӨГРӨГӨӨР ХУДАЛДЖЭЭ WWW.GOGO.MN НИЙТЭЛСЭН:2018/04/20    

Стандартчилал, техникийн зохицуулалт, итгэмжлэлийн тухай хуулийн төслийн анхны хэлэлцүүлгийг хийлээ www.montsame.mn

Улаанбаатар /МОНЦАМЭ/. Улсын Их Хурлын Эдийн засгийн байнгын хорооны өнөөдрийн (2017.12.13) хуралдаан 52.6 хувийн ирцтэйгээр 09 цаг 42 минутад эхэлж, Стандартчилал, техникийн зохицуулалт, итгэмжлэлийн тухай хуулийн төсөл болон холбогдох бусад хуулийн төслийн анхны хэлэлцүүлгийг хийлээ.

Хуулийн төслүүдийг анхны хэлэлцүүлэгт бэлтгэсэн талаар УИХ-ын гишүүн, ажлын хэсгийн ахлагч Д.Тэрбишдагва танилцуулав. Ажлын хэсэг гурван удаа хуралдаж, хуулийн төслийн зүйл, заалт тус бүрийг хэлэлцснээр нийт 34 саналын томъёолол боловсруулан Байнгын хорооны хуралдаанаар хэлэлцүүлэхээр бэлтгэсэн гэлээ. Тухайлбал, техникийн зохицуулалтыг Засгийн газар хуулиар тусгайлан эрх олгосон тохиолдолд асуудал эрхэлсэн Засгийн газрын гишүүн батлахаар төсөлд тусгасан нь хоёрдмол, тодорхойгүй байдал үүсгэж байсан тул техникийн зохицуулалтыг зөвхөн Засгийн газар баталж, түүнийг хэрэгжүүлэхтэй холбоотой журмыг эрхэлсэн сайд батлахаар өөрчилжээ.Итгэмжлэлийн байгууллагыг Стандартчилал, хэмжил зүйн газрын дэргэд байхаар төсөлд тусгасан байсныг өөрчлөн, түүний бие даасан хараат бус байдлыг хангах зорилгоор асуудал эрхэлсэн сайдын дэргэд ажиллах дүрмийг Засгийн газар баталж, даргыг нь эрхэлсэн сайд нь томилж, чөлөөлөхөөр зохицуулалтад тусгасан байна.
Аж ахуйн нэгж, байгууллагын стандартыг Стандартчилал, техникийн зохицуулалтын асуудал хариуцсан төрийн захиргааны байгууллагад бүртгүүлснээр уг стандарт хүчин төгөлдөр болохоор төсөлд тусгасан байсныг тухайн аж ахуйн нэгж, байгууллагын стандарт нь үндэсний стандартад нийцсэн байх шаардлагыг хуулиар тавьж, стандартын байгууллага зөвхөн бүртгэдэг байхаар төслийг өөрчилжээ. Стандартчилал, техникийн зохицуулалтын асуудал хариуцсан төрийн захиргааны байгууллагын удирдлагыг байгалийн болон техникийн ухааны мэдлэгтэй, төрийн албанд 10-аас доошгүй, мэргэжлээрээ 5-аас доошгүй жил ажилласан хүнийг томилохоор төсөлд тусгасан байсныг шинэчлэн батлагдсан Төрийн албаны тухай хуульд нийцүүлэн өөрчилсөн байна. Түүнчлэн тохирлын үнэлгээ хийх мэргэшсэн шинжээчийн гүйцэтгэх үүрэг, түүнд тавих шаардлагыг төсөлд нэмж тусгажээ. Хуулийн төсөлд “итгэмжлэл” гэсэн нэр томъёо хэрэглэсэн нь Иргэний хуульд заасан төлөөллийг хэрэгжүүлэх итгэмжлэлтэй андуурагдаж байсан тул “тохирлын үнэлгээний итгэмжлэл” гэж тодотгон, үүнтэй холбоотойгоор хуулийн төслийн нэрийг “Стандартчилал, техникийн зохицуулалт, тохирлын үнэлгээний итгэмжлэлийн тухай хууль” хэмээн өөрчлөв.Төслийн зарим заалтыг Төсвийн тухай, Засгийн газрын тусгай сангийн тухай хуульд нийцүүлэн өөрчилжээ. Мөн хуулийн төслийг бүтцийн хувьд эхлээд иргэн аж ахуйн нэгжид үзүүлэх үйлчилгээ буюу үйл ажиллагааны талаарх зохицуулалтыг оруулж, дараа нь байгууллагуудын бүрэн эрх, чиг үүргийг дурдах нь зохимжтой гэж үзэн төслийн бүтэц дарааллыг өөрчилж, нэр томъёог жигдэлжээ. Хуулийн төсөлд техникийн зохицуулалтыг Засгийн газар батлахаар тусгасан, гэхдээ УИХ-аас нэг удаа техникийн зохицуулалтын жагсаалтыг баталж, гэрээ, хамрах хүрээ, хязгаарыг тогтоох шаардлагатай хэмээн үзэж УИХ-ын тогтоолын төслийг боловсруулж, хэлэлцүүлэхээр төлөвлөөд байгааг ажлын хэсгийн ахлагч танилцуулгадаа дурдлаа. Түүнчлэн шилжилтийн хугацааны зохицуулалтыг агуулсан хуулийг дагаж мөрдөх журмын тухай хуулийн төслийг боловсруулж хэлэлцүүлэх аж. Эдгээрээс гадна хуулийн төслийн нэр өөрчлөгдсөнтэй холбоотой Зөрчлийн тухай хуульд өөрчлөлт оруулах тухай, итгэмжлэлийн байгууллагын бие даасан байдлыг хангах зорилгоор Засгийн газрын тухай хуульд нэмэлт, өөрчлөлт оруулах тухай хуулийн төслүүдийг боловсруулж, хэлэлцүүлэх шаардлага үүсээд байна гэв.  
Танилцуулгатай холбогдуулан УИХ-ын гишүүн Б.Ундармаа, Ж.Ганбаатар, Ж.Бат-Эрдэнэ нар асуулт асууж, ажлын хэсгээс хариулт авсан юм. Үүний дараа ажлын хэсгээс боловсруулсан Стандартчилал, техникийн зохицуулалт, итгэмжлэлийн тухай хуулийн шинэчилсэн найруулгын төслийн талаарх саналын 30, хамт өргөн мэдүүлсэн Эрүүл мэндийн тухай хуульд өөрчлөлт оруулах тухай, Боловсролын тухай хуульд өөрчлөлт оруулах тухай хуулийн төслүүдийн талаарх саналын 2 томъёоллоор санал хураалт явуулан шийдвэрлээд, энэ талаарх Байнгын хорооны санал дүгнэлтийг чуулганы нэгдсэн хуралдаанд танилцуулахаар тогтов.



Нийтэлсэн огноо2017-12-13