1 VALE EVACUATES 200 PEOPLE FROM TOWN NEAR ITS MAR AZUL MINE WWW.MINING.COM PUBLISHED:2019/02/17      2 TOOTH PLAQUE SHOWS DRINKING MILK GOES BACK 3,000 YEARS IN MONGOLIA WWW.SCIENCENEWS.ORG  PUBLISHED:2019/02/17      3 INCREASING NUMBER OF CHINA-EUROPE FREIGHT TRAINS SUPPORTS MONGOLIA'S ECONOMY: OFFICIAL WWW.XINHUANET.COM PUBLISHED:2019/02/17      4 TAX REVENUE INCREASES BY 33.7 PERCENT WWW.MONTSAME.MN PUBLISHED:2019/02/17      5 COPPER MINER'S $10B BET COMES TO LIFE IN PANAMA JUNGLE WWW.MINING.COM PUBLISHED:2019/02/15      6 TRADE UNIONS REQUEST PM TO FOCUS ON INTEREST RATE CUT WWW.ZGM.MN PUBLISHED:2019/02/15      7 MONGOLIA’S HOURLY WAGE TO REACH USD 1 WWW.NEWS.MN PUBLISHED:2019/02/15      8 US NARCOTICS BY POST TO MONGOLIA! THREE ARRESTED WWW.NEWS.MN PUBLISHED:2019/02/15      9 WRITER D.URIANKHAI NOMINATED FOR THE NOBEL PRIZE WWW.MONTSAME.MN PUBLISHED:2019/02/15      10 MONGOLIA-CHINA-RUSSIA ECONOMIC CORRIDOR BENEFITS ALL SIDES: OFFICIAL WWW.XINHUANET.COM PUBLISHED:2019/02/15      “ОЮУ ТОЛГОЙ” КОМПАНИ 570 ТОННЫ ДААЦТАЙ CAT БРЭНДИЙН ГИДРАВЛИК ЭСКВАТОРООР ХҮЧЭЭ СЭЛБЭЛЭЭ WWW.GOGO.MN  НИЙТЭЛСЭН:2019/02/15     ӨРХИЙН САРЫН ДУНДАЖ ОРЛОГО 78,000 ТӨГРӨГӨӨР ӨССӨН Ч ЗАРЛАГА ДАВСАН ХЭВЭЭР БАЙНА WWW.IKON.MN НИЙТЭЛСЭН:2019/02/15     АВСТРАЛИЙН ЭЛЧИН САЙД ДЭВИД МЭТЬЮ ВОСЭН ИТГЭМЖЛЭХ ЖУУХ БИЧГЭЭ ӨРГӨН БАРИВ WWW.MONTSAME.MN НИЙТЭЛСЭН:2019/02/15     2018 ОНД МОНГОЛ УЛСЫН ЭДИЙН ЗАСАГ 6.9 ХУВИАР ӨСЛӨӨ WWW.BLOOMBERGTV.MN НИЙТЭЛСЭН:2019/02/15     МХБ: II/15-НЫ БАЙДЛААР 8 КОМПАНИ ХЭХ-ЫН ТОВОО ГАРГААД БАЙНА WWW.BLOOMBERGTV.MN НИЙТЭЛСЭН:2019/02/15     2017 ОНД 1.9 ТЭРБУМ ТӨГРӨГИЙН АЛДАГДАЛТАЙ АЖИЛЛАСАН “УЛААНБААТАР БҮК” 2018 ОНД 566 САЯ ТӨГРӨГИЙН АШИГТАЙ АЖИЛЛАВ WWW.BLOOMBERGTV.MN НИЙТЭЛСЭН:2019/02/15     ОРХОН ТҮҮХИЙ НҮҮРСНЭЭС ТАТГАЛЗСАН АНХНЫ АЙМАГ БОЛНО WWW.UNUUDUR.MN НИЙТЭЛСЭН:2019/02/15     АТГ-ААС НЭР БҮХИЙ 6 ШҮҮГЧИЙГ ШАЛГАЖ ЭХЭЛЖЭЭ WWW.EAGLE.MN НИЙТЭЛСЭН:2019/02/15     МОНГОЛ УЛС ДЭЛХИЙН 77 ОРОНД БАРАА ЭКСПОРТОЛСНООС ХЯТАДАД 93%-ИЙГ НЬ НИЙЛҮҮЛЖЭЭ WWW.IKON.MN  НИЙТЭЛСЭН:2019/02/14     АВТО МАШИНЫ ИМПОРТ 2018 ОНД 30% ӨСӨЖ, 86,296-Д ХҮРЧЭЭ WWW.IKON.MN  НИЙТЭЛСЭН:2019/02/14    

Горхи, тэрэлжийн байгалийн бохирдолд анхаарал хандуулж эхлэв www.montsame.mn

Налайх дүүргийн ЗДТГ-ын тавьсан хүсэлтийн дагуу “Койка” ОУБ-аас “Тэрэлжийн байгаль орчныг хамгаалах төсөл” эхлүүлэв. Төслийн хүрээнд тус дүүргийн төв, байгалийн цогцолбор газарт 10 тонны багтаамж бүхий 10 ширхэг хогийн сав байршуулав.

Төслийн нээлт өчигдөр тус дүүргийн ЗДТГ-ын байранд болж, БНСУ-аас Монгол Улсад суух бүрэн эрхт Элчин сайд Жон Жэ Нам, Койка ОУБ-ын Монгол дахь суурин төлөөлөгч Жу Хэн Нан, Налайх дүүргийн Засаг дарга Ч.Раднаабазар, Засаг даргын орлогч Х.Анхбаяр болон бусад албаныхан оролцов.

Налайх дүүргийн Засаг дарга Ч.Раднаабазар хэлэхдээ, “Манай дүүрэг 68.7 мянган га нутаг дэвсгэртэй бөгөөд 6 дугаар хорооны нутагт Горхи, Тэрэлжийн байгалийн цогцолбор нутаг оршдог онцлогтой. Дүүрэг жилд дунджаар 80 гаруй тонн хог тээвэрлэдэг үзүүлэлт бий. Энэхүү төслөөр дүүргийн иргэдийн цэвэр, цэмцгэр орчинд амьдрах нөхцлийг сайжруулахаас гадна, аялал жуулчлалын бүсийн экологийн тэнцвэрийг хангахад дэмжлэг үзүүлж байгаад таатай байна” гэлээ.

Сүүлийн үед Монгол Улсад ирэх жуулчдын тоо эрс нэмэгдэж байгаа нь ажиглагдаж байна. Энэ оны эхний 9 сарын байдлаар 430 мянга орчим жуулчин зочилсон үзүүлэлт байгааг БНСУ-аас Монгол Улсад суух бүрэн эрхт Элчин сайд Жон Жэ Нам онцлон хэлэв. Тэрбээр, “Байгалийн үзэсгэлэн цогцолсон Тэрэлж, Горхийн цогцолбор газар жуулчдын дийлэнх нь аяладаг. Үүнийгээ дагаад энэ газрын байгаль орчин бохирдох асуудал гарч байна. Энэхүү төслийн хүрээнд 10 хог хадгалах цэг байгуулж, байгаль орчноо цэвэрлэх хөдөлгөөнийг эхлүүллээ. Мөн байгаль экологийн чиглэлээр тус дүүргийн иргэдэд чиглэсэн сургалт зохион байгуулна” гээд төслийн хүрээнд цаашид хэрэгжүүлэх арга хэмжээнүүдэд дэмжин оролцохыг хүслээ.

Засаг даргын орлогч Х.Анхбаяр, “Налайхын иргэдийн ая тухтай амьдрах орчныг хангахаар улс, нийслэлийн төсөв, гадаадын хөрөнгө оруулалттай байгууллагуудад удаа дараа хүсэлт тавьсаар байна. Төсөл бичсэнийхээ үр дүнд "Койка" ОУБ, БНСУ-ын ЭСЯ-ны дэмжлэгээр дүүрэгтээ 10 тонн хог хадгалах багтаамжтай 10 хогийн цэг байгуулсан. Үүнээс 5-ыг нь аялал жуулчлалынхаа бүсэд байрлууллаа. Цаашид эдгээр цэгийг үр дүнтэй ашиглах, хог тээвэрлэлтийн ажилд дүүргийн зүгээс анхааран ажиллана” гэв.

“Койка” ОУБ-ын 22 мянган ам.долларын буцалтгүй тусламжаар энэхүү төсөл хэрэгжиж байна. Хогийн сав тус бүр Монгол мөнгөөр 3 сая 850 мянган төгрөгийн өртгөөр боссон бөгөөд мал орж хог тараахгүй, эвгүй үнэр гарахгүй стандарт бүхий технологиор бүтээснийг тус байгууллагын Монгол дахь суурин төлөөлөгч Жу Хэн Нан хэллээ.

Төслийн нээлтийн хүрээнд зочин төлөөлөгчид, Налайх дүүргийн удирдлагууд Тэрэлжийн Болор зуслан орчмийн 1 км газрын хогийг цэвэрлэж, байгаль орчноо цэвэрлэх хөдөлгөөнд иргэдийг түүчээлэн оролцохыг уриаллаа.

Энэ үеэр БНСУ-ын Элчин сайд Жон Жэ Нам “Байгаль орчин гэдэг хүн л гэсэн үг. Эрүүл мэнддээ урьдчилан санаа тавихгүй бол өвчнийг эдгээхэд хүндрэлтэй. Үүнтэй адилаар байгаль орчноо хайрлан хамгаалахгүй бол эргэн сэргэхэд маш хэцүү байдгийг” онцлоод Дархан-Уул, Сэлэнгэ аймгийн бүс нутагт байрлах “Тужийн нарс” байгалийн цогцолбор газрын түймэрт шатаж, хорхой шавжанд идэгдсэнээр устахад хүрсэн ой моддыг БОАЖЯ-тай хамтран 2003 оноос хойш 15 жилийн хугацааны нөр их хөдөлмөрөөр 32.5км квадрат талбайд 10 сая гаруй мод тарьж сэргээсэн тухай ярьж байв.



Нийтэлсэн огноо2018-11-17