Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
I-IX сард гадаад худалдааны бараа эргэлт 9.5 хувиар өсөж, экспорт импортоос давлаа www.bloombergtv.mn
Гадаад худалдааны нийт бараа эргэлт оны эхний есөн сарын гүйцэтгэлээр 9.5 хувиар өсөж, 10.5 тэрбум ам.доллар болсон талаар Гаалийн ерөнхий газар мэдээллээ. Экспорт импортоос давж, гадаад худалдаа 1.3 тэрбум ам.долларын ашигтай гарсан байна.
Оны эхний есөн сард Монгол Улс 72 улсад бараагаа экспортолж, 145 улсаас гарал үүсэлтэй бараа импортолсон байна. Экспортыг харвал эрдэс бүтээгдэхүүн 83.5 хувийг бүрдүүлжээ.
Тухайлбал: чулуун нүүрсний экспорт оны эхний есөн сард 28.6 сая тонн, мөнгөн дүнгээр 2.4 тэрбум ам.доллар болсон байна. 2018 оны мөн үед нэг тонн нүүрсний хилийн дундаж үнэ 78.5 ам.доллар байсан бол энэ онд 85 ам.доллар болж өсжээ.
Экспортлогч компаниудыг харвал “Эрдэнэс Тавантолгой” ХК есдүгээр сарын 23-ны байдлаар 13.1 сая тонн нүүрс олборлож, борлуулалтын орлого нь төлөвлөснөөс 35 хувиар давж, 2.1 их наяд төгрөг болсон талаар мэдээллээ. “Эрдэнэс Тавантолгой” ХК одоогоор Зүүн Цанхийн нүүрсийг “Chalco” компанид 62 ам.доллароор, Баруун Цанхийн нүүрсийг 70 гаруй ам.доллароор борлуулж байна.
Хөшөөтийн ордод олборлолт хийж байгаа, Хонгконгийн Хөрөнгийн биржид бүртгэлтэй “Mongolia Energy Corporation” оны эхний есөн сард нэг сая гаруй тонн нүүрс экспортолжээ. Энэ нь өнгөрсөн оны бүтэн жилийн экспорт 700 орчим мянган тонн байснаас давж гарсан байна. Хэдий тийм боловч үнэ дунджаар 5-10 хувиар буурч, 70 гаруй ам.доллар болсон гэж тус компани мэдээллээ.
Нарийнсухайтад олборлолт хийж байгаа “Саусгоби сэндс” ХХК энэ онд дөрвөн сая тонн нүүрс экспортлохоор төлөвлөснөөс оны эхний есөн сард 2.8 сая тонныг гаргасан байна. Цаашид коксжих нүүрсний үнэ буурах ч сул коксжих нүүрсний үнэ тогтвортой байх төлөвтэй гэж компани харж байгаа ажээ.
Монгол Улс дунд болон урт хугацаандаа БНХАУ-д нийлүүлж байгаа коксжих нүүрсний хэмжээгээрээ Австралийг ардаа орхино гэж “Fenwei Energy”-ийн шинжээч таамагласан юм. Үүнд нүүрсний нийлүүлэлтээ нэмэгдүүлэх гэсэн Монгол Улсын Засгийн газрын хүчин чармайлтаас гадна БНХАУ-ын эрэлт тогтвортой байгаа, мөн шинээр ашиглалтад орсон Хаожи төмөр замын шугамын үйл ажиллагаа нөлөөлнө гэж үзсэн юм.
Нийтэлсэн огноо2019-10-09
