Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
I-III улиралд агаарын тээврээр зорчигчдын тоо 22 хувиар өсөв www.bloombergtv.mn
2019 оны эхний гурван улиралд агаарын тээврээр зорчигчдын тоо нэмэгдэж, нислэгийн чиглэл, агаарын тээврийн компаниудын тоо өссөн байна. I-III улиралд агаарын тээврээр зорчигчдын тоо 22 хувиар нэмэгдэж, 877 мянга 500 хүн болсон талаар Үндэсний статистикийн хороо мэдээллээ. Мөн зорчигч эргэлт 18.8 хувиар, ачаа эргэлт 1.7 хувиар өсжээ.
2019 онд Монгол Улс БНСУ, Турк улстай агаарын замын хэлэлцээрээ шинэчилсэн юм. Ингэснээр энэ хоёр чиглэлд агаарын тээврийн шинэ компаниуд нислэг үйлдэж, тийзийн үнэ хямдрах боломж бүрдэнэ гэж ИНЕГ үзэж байна. Тухайлбал: өнгөрсөн есдүгээр сард Турк улсын Засгийн газартай хэлэлцээрээ шинэчилсний дараа хоёр талаас долоо хоногт тус бүр гурван удаа нийт 800 суудлын хязгаартайгаар шууд нислэг үйлдэх боломж бүрдсэн байна. Зөвхөн “Turkish Airlines” компани Станбул-Бишкек-Улаанбаатар чиглэлд долоо хоногт гурван удаа нислэг үйлдэж байсан бол энэ нислэгийг Станбул-Улаабаатарын чиглэлд үйлдэх боломжтой болжээ.
Мөн 2019 онд үйл ажиллагаагаа сэргээсэн “Ezinis Airways” компани Турк руу нислэг үйлдэх хүсэлтээ гаргаад байгаа бөгөөд Туркийн талын зөвшөөрлийг хүлээж байгаа юм байна. Станбулын чиглэлд нислэгийн тоо, нислэг үйлдэх агаарын тээврийн компанийн тоо нэмэгдсэнээр өрсөлдөөн бий болж, Европын чиглэл рүү нисэхэд хугацаа хэмнэх зэрэг давуу талтай гэж ИНЕГ үзэж байна.
Түүнчлэн өнгөрсөн нэгдүгээр сард Монгол Улс, БНСУ-ын Засгийн газартай агаарын харилцааны хэлэлцээрээ шинэчилсэн юм. Ингэснээр нислэгийн тоо, зорчигчдын тоогоо уялдуулж, долоо хоногт Монголын тал 11, БНСУ-ын тал есөн нислэг үйлдэх боломжтой болсон байна.
Улмаар “Korean Air”-ээс гадна БНСУ-ын агаарын тээврийн хоёр дахь компани "Asiana Airlines" нислэг үйлдэж эхэлсэн юм. Эдгээрээс гадна Нур-Султан-Улаанбаатар чиглэлд Казахстаны “SCAT” компани зургаадугаар сараас нислэг үйлдэж эхлээд байна. "Агаарын тээврийн компаниуд зах зээлийн зарчмаар өрсөлдөж, хүссэн хүсээгүй тийзийн үнээ бууруулна" гэж ИНЕГ-ын дарга хэлж байв.
Харин үндэсний агаарын тээвэрлэгч МИАТ компани бусад компанитай өрсөлдөх хэмжээнд өргөжсөн гэдгийг мөн онцолж байлаа. МИАТ компани нислэгийн давтамжаа нэмэгдүүлсэн байгаа бөгөөд тухайлбал: БНХАУ-ын Гуанжоу руу анх удаа, Японы Осакагийн хуучин чиглэлийн нислэгээ сэргээгээд байгаа юм. Түүнчлэн Москва-Берлин-Москва чиглэлийн нислэгийн үзүүлэлт 128 хувиар өссөн талаар тус компани мэдээллээ.
Дээр дурдсанчлан “Ezinis Airways” компани үйл ажиллагаагаа сэргээж, Хонкгконг руу нислэг үйлдэж байна. Харин орон нутагт “Аэро Монголиа” ХХК Завхан аймгийн Донойн нисэх буудал руу есдүгээр сарын 13-наас нислэг үйлдэж эхэлжээ. Сонирхуулахад: Донойн нисэх буудлын онгоц хөөрч, буух хатуу хучилттай зурвасыг найман тэрбум 650 гаруй сая төгрөгөөр барьж, энэ оны наймдугаар сард ашиглалтад оруулсан юм.
Нийтэлсэн огноо2019-10-16
