1 MONGOLIA SEEKS CLOSER ECONOMIC TIES WITH U.S WWW.MONTSAME.MN PUBLISHED:2020/02/21      2 NEW PERMANENT REPRESENTATIVE OF MONGOLIA PRESENTS CREDENTIALS WWW.UN.ORG PUBLISHED:2020/02/21      3 MONGOLIA SUPPORTS CHINA IN FIGHTING NOVEL CORONAVIRUS OUTBREAK: PM WWW.XINHUANET.COM PUBLISHED:2020/02/21      4 RIO AND MONGOLIA BOUND FOR UN ARBITRATION WWW.AFR.COM PUBLISHED:2020/02/21      5 MONGOLIA, RUSSIA SET UP WORKING GROUP FOR TRANS-MONGOLIAN GAS PIPELINE WWW.AKIPRESS.COM PUBLISHED:2020/02/21      6 MONGOLIA CANCELS FLIGHTS TO TOKYO AND BANGKOK WWW.AKIPRESS.COM PUBLISHED:2020/02/21      7 COAL EXPORTS TO RESUME FROM MARCH 2 WWW.MONTSAME.MN PUBLISHED:2020/02/21      8 MOLLAE SAED TO FIGHT FOR MONGOLIA AT DUSSELDORF GRAND SLAM WWW.NEWS.MN PUBLISHED:2020/02/21      9 SPEAKER G.ZANDANSHATAR: PENSION-SECURED LOAN DEBTS PAID OFF WWW.MONTSAME.MN PUBLISHED:2020/02/20      10 LATEST ON THE NOVEL CORONAVIRUS OUTBREAK WWW.CHINADAILY.COM.CN PUBLISHED:2020/02/20      FITCH: ХОЙД АЗИЙН ОРНУУДААС МОНГОЛ УЛСАД COVID-19-ЭЭС ҮҮДЭЛТЭЙ ЭРСДЭЛ ӨНДӨР БАЙНА WWW.BLOOMBERGTV.MN НИЙТЭЛСЭН:2020/02/20     "САЛХИТ"-ААС 2.5 ИХ НАЯД ТӨГРӨГИЙН ОРЛОГО ОЛОХ ТООЦООЛОЛ ГАРЧЭЭ WWW.NEWS.MN  НИЙТЭЛСЭН:2020/02/20     НҮҮРСНИЙ ЭКСПОРТООС 100 ГАРУЙ САЯ $ АЛДАГДАЛ ХҮЛЭЭГЭЭД БАЙНА WWW.NEWS.MN НИЙТЭЛСЭН:2020/02/20     ИНФЛЯЦ ДОЛООН ХУВИАР ӨСНӨ ГЭЖ ТААМАГЛАЖЭЭ WWW.NEWS.MN НИЙТЭЛСЭН:2020/02/20     АЯЛАЛ ЖУУЛЧЛАЛЫН САЛБАРТ АХБ ДАХИН ГАР СУНГАНА WWW.ZGM.MN  НИЙТЭЛСЭН:2020/02/20     НИЙТИЙН ХООЛНЫ САЛБАРЫН ОРЛОГО ӨНГӨРСӨН ОНД 480 ТЭРБУМ ТӨГРӨГ БОЛЖ ӨСЖЭЭ WWW.IKON.MN НИЙТЭЛСЭН:2020/02/20     БИТҮҮНИЙ ӨДРИЙН 08.00 ЦАГААС ШИНИЙН 4-НИЙ 08.00 ЦАГ ХҮРТЭЛ ЗАМ ХААХ ШИЙДВЭР ГАРГАЛАА WWW.EAGLE.MN НИЙТЭЛСЭН:2020/02/20     БНХАУ РУУ ГУРАВДУГААР САРЫН 2-НООС ХОЙШ НҮҮРС ТЭЭВЭРЛЭНЭ WWW.EAGLE.MN  НИЙТЭЛСЭН:2020/02/20     УЛСЫН НЭГДСЭН ТӨСӨВ I САРД 67.2 ТЭРБУМ ТӨГРӨГИЙН АШИГТАЙ ГАРЛАА WWW.BLOOMBERGTV.MN  НИЙТЭЛСЭН:2020/02/19     ШИНЭЭР БҮРТГҮҮЛСЭН АЖИЛГҮЙ ИРГЭДИЙН ТОО I САРД ӨМНӨХ ОНЫ МӨН ҮЕЭС 10.5 ХУВИАР НЭМЭГДЖЭЭ WWW.BLOOMBERGTV.MN  НИЙТЭЛСЭН:2020/02/19    

У.Хүрэлсүх: Ирэх онд тэтгэвэр, тэтгэмжийг нэмэгдүүлэхэд 327.9 тэрбум төгрөг зарцуулна www.eagle.mn

Ерөнхий сайд У.Хүрэлсүх УИХ-ын чуулганд ирэх оны төсвийн төслийг танилцуулав.
 
Зээлийн хүүг бууруулж, хөрөнгийн зах зээлийг хөгжүүлэх замаар эдийн засаг, бизнес, хөрөнгө оруулалтын орчинг дэмжих, гадаад худалдааны эргэлтийг нэмэгдүүлэх, татварын тэгш шударга, ил тод байдлыг хангахад чиглэсэн арга хэмжээг татварын шинэчлэлийн хүрээнд эхлүүлнэ гэдгээ Ерөнхий сайд хэллээ. Тухайлбал, ипотекийн зээлээр анх удаа орон сууц худалдан авсан иргэдийн татварын хөнгөлөлт хоёр дахин нэмэгдэх, мөн анх удаа ипотекийн зээлээр орон сууц авсан бол Засгийн газрын ипотекийн хөнгөлөлттэй зээлийн найман хувийн хүүгийн түвшнээс илүү төлсөн хэмжээгээр татварын буцаан олголт үзүүлэхээр төлөвлөж байна.
 
Гаалийн шинэчлэлийн хүрээнд Замын-Үүд, Алтанбулаг, Гашуунсухайт боомтыг олон улсын жишигт нийцүүлэн шинэчилж, нэвтрэх хүчин чадлыг нь нэмэгдүүлэхээр төлөвлөж байна. Түүнчлэн, 2020 онд газрын төлбөрийг бүрэн хураах чиглэлээр хууль эрх зүйн орчныг сайжруулах, газрын бүртгэлийг цахимжуулах, ил тод болгох ажил хийнэ.
 
Иргэдийн нийгмийн хамгааллыг сайжруулах талаар:
 
Нэг. 2014 оноос хойш нэмээгүй байсан цалин, тэтгэвэр, тэтгэмжийг инфляцитай уялдуулж 2018 оноос жил бүр нэмэгдүүлж байгаа бодлого, үйл ажиллагааг ирэх онд үргэлжлүүлэн хэрэгжүүлнэ. Төрийн албан хаагчдын цалингийн сан, нийгмийн даатгалын сангаас олгох бүх төрлийн тэтгэвэр болон нийгмийн халамжийн тэтгэвэр, тэтгэмжийг инфляцитай уялдуулан нэмэгдүүлэхэд ирэх онд 327.9 тэрбум төгрөг нэмж зарцуулна.
 
Хоёр. Төрийн үйлчилгээний албан хаагч нь төрийн захиргааны албан хаагчийн нэгэн адил төрд ажилласан хугацаагаараа тооцуулж цалингийн нэмэгдэл болон тэтгэвэрт гарахад олгох нэг удаагийн тэтгэмж авах боломжийг 2020 оноос эхлэн олгоно.
 
Гурав. Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх тухай хуулийг 2017 оны 2 дугаар сард баталсан боловч эдийн засаг, төсвийн боломжтой уялдуулан 2 удаа хэрэгжилтийг хойшлуулсан. Иймд 1995 оноос хойш төлж чадаагүй байсан тэтгэврийн даатгалын шимтгэлээ нэг удаа нөхөн төлж 2020 оноос тэтгэвэр авах боломжийг малчид, хувиараа хөдөлмөр эрхлэгчдэд нэгэн зэрэг олгохын зэрэгцээ тэтгэврийн сангийн эх үүсвэрийг тогтвортой байлгахад чиглэсэн зарим өөрчлөлтийг оруулахаар төлөвлөсөн.
 
Дөрөв. Улсын Их Хурлаас 2017 оны 2 дугаар сарын 2-ны өдөр баталсан эхчүүд, эмэгтэйчүүдийн нийгмийн хамгаалал, орлогын баталгаат байдлыг сайжруулах, хүн амын өсөлтийг дэмжих шийдвэр, зохицуулалтыг ирэх оноос эхлэн хэрэгжүүлнэ. Тухайлбал, нийгмийн даатгалд сайн дураар даатгуулсан эхийн жирэмсний болон амаржсаны тэтгэмжийг цалин хөлснийх нь 70 хувиар тооцож байсныг 100 хувиар тооцож олгох, сайн дураар даатгуулсан болон нийгмийн даатгалд даатгуулаагүй эх хүүхдээ асрах хугацаанд төлбөл зохих шимтгэлийн тодорхой хувийг хөнгөлөх зэрэг болно.
 
Тав. Хөнгөлөлттэй нөхцөлөөр залуу насандаа тэтгэвэр тогтоолгосон, олон хүүхэд төрүүлсэн зарим эхчүүд, эмэгтэйчүүдийн ажилласан жил цөөн, тэтгэвэр тогтоолгосон цалингийн хэмжээ бага байгааг харгалзан тэтгэврийн хэмжээг нь нэг удаа тусгайлан нэмэгдүүлэх арга хэмжээ авна.
 
Тэрээр цааш нь " Сүүлийн гурван жилд уул уурхайн хайгуул, ашиглалтын талбай бүхий 191 суманд байгаль орчны эсрэг гэмт хэргийн 670 тохиолдол бүртгэгдэж, 7.3 тэрбум төгрөгийн бодит хохирол учруулаад байна. Энэ төрлийн гэмт хэрэг цаашид нэмэгдэх хандлагатай байгааг харгалзан хяналт, хамгаалалтыг сайжруулж, уул уурхай бүхий газар нутгийн унаган төрхийг сэргээх, хамгаалах зорилгоор Экологийн цагдаагийн алба байгуулахаар төлөвлөлөө. Цөлжилтийг сааруулж, цөлжилтөд өртсөн газар нутгийн хэмжээг бууруулах, тусгай хамгаалалттай газар нутгийн хамгаалалтыг сайжруулах, газрын доройтлыг бууруулах, нөхөн сэргээх, хуурайшилт, гал түймрээс урьдчилан сэргийлэх арга хэмжээнд шаардагдах санхүүжилтийг 6.5 тэрбум төгрөгөөр нэмэгдүүлэхээр тооцсон.
 
Нийгмийн хэрэгцээ шаардлага, орон нутаг болон салбаруудад тулгамдсан асуудлуудыг хөрөнгө оруулалтаар шийдвэрлэхэд онцгой анхаарч 2016-2018 онд 81 цэцэрлэг, 58 сургууль, 22 эмнэлгийн барилга байгууламж ашиглалтад оруулсан бол 2019-2020 онд 194 цэцэрлэг, 145 сургууль, 80 эмнэлгийг шинээр ашиглалтад оруулахаар ажиллаж байна" гэлээ.
 
2020 онд Монгол Улсын нэгдсэн төсвийн тэнцвэржүүлсэн орлого 11.8 их наяд төгрөг, нэгдсэн төсвийн нийт зарлага 13.9 их наяд төгрөг, улмаар нэгдсэн төсвийн нийт алдагдал 2.1 их наяд төгрөг буюу ДНБ-ий 5.1 хувь байхаар төсвийн төслийг боловсруулжээ.


Нийтэлсэн огноо2019-10-18