Мэдээ мэдээлэл

Англи амин дэм Монгол улсад албан ёсоор бүртгэгдлээ.

Агаарын чанар стандартаас өндөр байгаа ч агаар цэвэршүүлэгч, амны хаалтын борлуулалт буурчээ www.bloombergtv.mn

Сайжруулсан түлшний хэрэглээ рүү шилжсэн 2019 онд агаар дахь тоосонцрын хэмжээ буурсан ч хүлцэх хэмжээнээс хэд дахин өндөр хэвээр байгааг Цаг уур, орчны шинжилгээний газар мэдээлээд байна.

Тухайлбал: 12 дугаар сард л гэхэд PM10 тоосонцор өмнөх оны мөн үеэсээ 43 хувиар, PM2.5 тоосонцор 38 хувиар буурсан ч хүлцэх хэмжээнээсээ 1.4-2.3 дахин их байгаа аж. Мөн энэ хугацаанд хүхэрлэг хий 96 хувиар, азотын давхар исэл 27 хувиар их гарчээ.

Хэдийгээр нүдэнд үзэгдэх бохирдол буурсан ч агаарын чанар эрүүл мэндэд хортой хэвээр байгаа энэ үед агаар цэвэршүүлэгч, амны хаалтын борлуулалт суларсан байгааг компаниуд мэдээлж байна. Агаар цэвэршүүлэгчийн борлуулалт энэ өвөл 30-40 хувиар буурсан гэж Монгол дахь “Xiaomi”-ийн дистрибьютер “MI Mongolia” компани мэдээллээ. Тус компани жилд дунджаар 1000-1500 ширхэг ухаалаг агаар чийгшүүлэгч худалддаг ч өнгөрсөн жил 700-800 ширхгийг борлуулсан талаар онцолсон юм.

Мөн 2015 оноос үйл ажиллагаа явуулж байгаа “Номадиквишн Монголия” компанийн агаар цэвэршүүлэгчийн борлуулалт өмнөх жилүүдтэй харьцуулахад 40-50 хувиар, амны хаалтын борлуулалт 80-90 хувиар буурсан байна.

Түүнчлэн Улаанбаатар хотод борлуулалт буурсан ч агаарын чанар муу байгаа бусад хотуудад борлуулалт нэмэгдэж байгааг тус компани онцоллоо. Статистик үзүүлэлтийг харвал 2019 онд нийт 944.5 мянган ам.долларын амны хаалт импортолсон нь жилийн дүнгээр 11.3 хувиар буурсан үзүүлэлт ажээ. Хэдий тийм боловч амны хаалтын импорт биет хэмжээгээрээ 31 хувиар өссөн байгаа юм. Гэхдээ энэ ангилалд мэргэжлийн үйл ажиллагаанд зориулагдсан амны хаалт оржээ.

Нийтэлсэн огноо2020-01-14

Категори

Үйл явдал

Агаарын чанар стандартаас өндөр байгаа ч агаар цэвэршүүлэгч, амны хаалтын борлуулалт буурчээ www.bloombergtv.mn

Үйл Явдал

Мэдээ

Facebook