Мэдээ мэдээлэл

Англи амин дэм Монгол улсад албан ёсоор бүртгэгдлээ.

Улаанбаатар хотын хэмжээнд 197 мянга гаруй иргэн 10.5 мянган га газар өмчилжээ www.bloombergtv.mn

Улсын хэмжээнд 2019 оны эхний хагас жилийн байдлаар нийт 615 мянган иргэн газар өмчилж авсан байна.

Энэ нь нийт хүн амын 19.14 хувийг эзэлж байгаа аж. Улаанбаатар хотын хэмжээнд 197 мянга гаруй иргэн 10 мянга 500 га газрыг өмчилсөн талаар Газар зохион байгуулалт, геодези, зураг зүйн газар мэдээллээ.

Үүнээс гадна газар эзэмшиж байгаа иргэн аж ахуйн нэгж 151 мянга хүрч, газар ашиглаж байгаа нь нийслэлийн хэмжээнд 234 гадаадын иргэн, аж ахуйн нэгж, байгууллага байна. Газрыг өмчлөх, эзэмших, ашиглах гэсэн захиран зарцуулах эрхийн ялгаатай гурван төрлөөр иргэн, аж ахуйн нэгж, байгууллагуудад олгож байгаа аж. Мөн цаашид иргэдэд хүртээмжтэй газар олгохын тулд Газрын тухай хуулийг шинэчлэн, таван багц төслийг боловсруулж дуусжээ.

Энэ оны эхний улиралд багтаан Засгийн газарт өргөн барихаар болсон талаар Газар зохион байгуулалт, геодези, зураг зүйн газрын дарга Ц.Ганхүү мэдээллээ.

Улаанбаатар хотын газрын дундаж үнийг харвал 2019 оны 12 дугаар сарын байдлаар гэр бүлийн зориулалтай газрын дундаж үнэ нэг ам метр нь 14 мянга 598 төгрөг байгаа аж.

Байршлаар нь задлаад харвал Чингэлтэй дүүрэгт хамгийн өндөр үнэтэй байгаа бол Сонгинохайрхан дүүрэгт бага дүнтэй байна. Харин гэр бүлийн зориулалтай болон барилга барих боломжтой газрын дундаж үнэ нэг ам метр нь 320 мянга гаруй төгрөгийн үнэтэй байгаа талаар “Тэнхлэг зууч” компани мэдээлж байна. Үүнээс гадна зуслангийн зориулалттай газар 2019 оны 12 дугаар сарын байдлаар дунджаар нэг ам метр нь 11 мянга 500 төгрөг байна. Энэ нь өмнөх оны мөн үеэс 5.2 хувиар өссөн байна.

Нийтэлсэн огноо2020-01-22

Категори

Үйл явдал

Улаанбаатар хотын хэмжээнд 197 мянга гаруй иргэн 10.5 мянган га газар өмчилжээ www.bloombergtv.mn

Үйл Явдал

Мэдээ

Facebook