Мэдээ мэдээлэл

Англи амин дэм Монгол улсад албан ёсоор бүртгэгдлээ.

III/23-ны байдлаар суудлын автомашины импорт өмнөх оны мөн үеэс 28.4 хувиар буурчээ www.bloombergtv.mn

Гуравдугаар сарын 23-ны байдлаар Монгол Улс нийт 13 мянга 110 суудлын автомашин импортолсон талаар гаалийн статистик харуулж байна. Өөрөөр хэлбэл “COVID-19”-ийн улмаас хилийн хязгаарлалт тогтоосон оны эхний гурван сард тээврийн хэрэгслийн импорт өмнөх оны мөн үеэс 28.4 хувиар буураад байгаа юм.

Дистрибьютер компаниудын хувьд автомашины тээвэрлэлтэд асуудал үүсэхгүй байгаа ч эрэлт огцом буурсан болохыг онцолж байна. Хоёрдугаар сард гэхэд нийт 163 автомашин борлуулсан нь удаашралтай байсан нэгдүгээр сараас 4.6 хувиар буурсан үзүүлэлт болж байгаа юм. Тухайлбал: “Kia Motors”-ийн борлуулалт шинэ төрлийн “коронавирус”-тэй холбоотойгоор зогссон байгаа гэж мэдээллээ. Тус компани седан загварын суудлын автомашин, бага оврын ачааны автомашины сегментэд түлхүү анхаарч байгаа юм.

Түүнчлэн SUV, Pick-Up ангиллын сегментэд байр сууриа эзэлсэн “MSM” группийн борлуулалт төлөвлөгөөндөө хүрэхгүй байгааг онцолсон юм. Тус компани энэ оны эхээр “BYD” брэндийн цахилгаан автомашиныг Монголын нөхцөлд туршиж эхлээд байна. Хэдхэн хоногийн өмнө тус брэндийн жижиг оврын цахилгаан автомашиныг туршиж эхэлжээ.

Нөгөөтэйгөөр дан ганц автомашины борлуулалт бус засвар үйлчилгээ зэрэг дагалдах үйлчилгээ мөн зогсонги байдалд ороод байгааг “Toyota”-ийн дистрибьютер “Мөнххада” компани мэдээллээ. Тус компанийн мэдээлснээр гол худалдан авагчид болох жижиг, дунд бизнесүүдийн орлого саарч, санхүүгийн байгууллагуудын зээлийн нөхцөл чангарсан нь үүнд голлон нөлөөлсөн байна.

Одоогоор өдөр тутмын хэрэглээний зориулалттай автомашинуудын борлуулалт хамгийн их суларч, ажил албаны шаардлагатай гэдэг утгаараа “Land Cruiser”-ийн борлуулалт арай өндөр байгааг мэдээлсэн юм.

Нийтэлсэн огноо2020-03-26

Категори

Үйл явдал

III/23-ны байдлаар суудлын автомашины импорт өмнөх оны мөн үеэс 28.4 хувиар буурчээ www.bloombergtv.mn

Үйл Явдал

Мэдээ

Facebook