Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Таваарын зах зээлийн огцом савлагаа оны II хагаст ч үргэлжлэх төлөвтэй байна www.bloombergtv.mn
Цар тахлын улмаас оны эхний зургаан сард ихээхэн савлагаатай байсан таваарын зах зээл оны хоёрдугаар хагаст ч хүндхэн байх төлөвтэй байна.
Ялангуяа шинэ төрлийн “коронавирус”-ийн тохиолдлын тоо 10 сая даваад байгаа, АНУ-ын Ерөнхийлөгчийн сонгууль, БНХАУ-ын эдийн засаг зэрэг хүчин зүйлүүд таваарын үнэд голлон нөлөөлөхөөр байна.
Газрын тосны үнэ оны эхний хагаст түүхэндээ анх удаа “0”-ээс доош бууж, баррель газрын тос -40 ам.доллар хүртэл огцом унасан юм. Харин хоёр сарын дараа эргэн өсөж, 40 ам.доллар хүрээд байна. Энэ он дуустал үнэ хэрхэн өөрчлөгдөх нь цар тахлын дараах шатахууны хэрэглээтэй шууд уялдахаар байгаа юм. Мөн хөл хорионы үед агуулахуудад хэт их нөөц бүрэлдсэн байгаа учир олборлогч улсуудын газрын тосны нийлүүлэлт цаашдын төлөвт голлон нөлөөлөхөөр байна.
Харин хямралын энэ үед аюулгүй хөрөнгийн хэрэгсэл алтны үнэ оны эхний зургаан сард 17 хувиар өсөж, сүүлийн долоо орчим жилийн дээд түвшинд хүрээд байна. АНУ-ын бодит бодлогын хүү хасах түвшинд хүрч, хөрөнгө оруулалтын эрэлт сайн байгаа юм. Хэдий тийм боловч алтны үнийг оны хоёрдугаар хагаст унц нь 1900 ам.доллар хүрнэ гэж “ANZ” таамаглаж байна. “Goldman Sachs” ирэх 12 сарын хугацаанд унц алт 2000 ам.доллар хүрнэ гэж тооцoолжээ.
Зэсийн хувьд гуравдугаар сарын доод түвшнээсээ 30 орчим хувиар сэргэж, улирлын дүнгээр 2010 оноос хойших хамгийн өндөр дүнгээр өссөн байна. Шинэ төрлийн “коронавирус” дахин дэгдэх эрсдэлтэй байгаа ч зарим шинжээчид зэсийн үнийг цаашид ч өснө гэж харж байна.
"Хөл хорионоос үл хамааран нийлүүлэлт сул байгаа" гэж “Jefferies” компани онцолж байв. Цар тахлын улмаас “Codelco” компани Чили дэх “Chuquicamata” уурхайн үйл ажиллагаагаа түр зогсоогоод байгаа юм. Улмаар тонн зэсийн үнэ 6000 ам.доллар дөхөөд байна. Нөгөөтэйгөөр БНХАУ-д эрэлт эрс нэмэгдэж байгаа нь зэсийн үнэ өсөхөд нөлөөлжээ.
Харин төмрийн хүдрийн төлөв 2019 оныхтой төстэй байна. Өнгөрсөн оны эхний хагас жилд Бразилд олборлолт саатсанаар үнэ өсөж, үлдсэн хагаст эргэн буурч байсан юм. Үүний адил оны эхний хагаст нийлүүлэлт саатаж, төмрийн хүдрийн үнэ тонн нь 100 ам.доллар давжээ. Хэдий тийм боловч цаашдын төлөв сөрөг байна.
“Vale” гарцаа эргэн сэргээж байгаатай зэрэгцээд төмрийн хүдрийн үнэ IV улиралд тонн нь 80 ам.доллар хүрнэ гэж “Morgan Stanley” тооцоолж байгаа юм.
Нийтэлсэн огноо2020-06-29
