Аялал жуулчлалаар 607 сая ам.долларыг оруулж ирсэн нь ДНБ-ний 7.2 хувь гэв www.gogo.mn
Ерөнхий сайд өнөөдөр аялал жуулчлалын салбарынхантай өглөөний уулзалт хийлээ.
2019 онд 1,6 их наяд төгрөгийг аялал жуулчлалын салбар руу оруулсан бол 607 сая ам.долларыг Монголдоо оруулж ирсэн. Урлаг соёл, ресторан, зам тээврийн гэх мэт салбарт энэ мөнгө орсон. Дотоодын нийт бүтээгдэхүүний 7,2 хувийг эзэлжээ.
БИДНИЙ САНАЛ ЧИХЭР ШИГ АМТТАЙ БИШ Ч ДАВС ШИГ ШОРВОГ, ШИЙДЭМГИЙ БАЙЖ МАГАДГҮЙ
Монголын ресторан, зоогийн газрын холбооны ерөнхийлөгч М.Есөнмөнх: "Бидний хэлж буй санал чихэр шиг амттай байхгүй, давс шиг шорвог шийдэмгий байж магадгүй. Цар тахалд нэрвэгдсэн хамгийн их хохирч байгаа нь энэ салбарынхан байна. Аялал жуулчлалын 14 ТББ нийлж, санал асуулга явуулсан. Томоохон яаралтай шийдвэрлэх асуудал байна. Аялал жуулчлалын холбоо, гаднаас жуулчин оруулж байгаа байгууллагууд бүгд ирсэн байна.
Нийтдээ 577 мянган жуулчин урьж авчирчээ. 2020 онд аялал жуулчлалын салбараас олох орлого 65 хувиар буурсан.
2019 онд 1,6 их наяд төгрөгийг аялал жуулчлалын салбар руу оруулсан байгаа юм. 607 сая ам.долларыг Монголдоо оруулж ирсэн. Урлаг соёл, ресторан, зам тээврийн гэх мэт салбарт энэ мөнгө орсон. Дотоодын нийт бүтээгдэхүүний 7,2 хувийг эзэлж байна. Нийтдээ 577 мянган жуулчин урьж авчирчээ.
Үндэсний авиа компаниуд хасах руу орчихсон. Онгоцууд зогсоол дээрээ сул зогсож байна. Харин 2020 онд аялал жуулчлалын салбараас олох орлого 65 хувиар буурсан. Аялал жуулчлалын салбарт ажиллаж байгаа хүмүүсийнхээ ажиллах хугацааг хэсэгхэн хугацаанд тооцоод бодоод гаргахаар 880 гаруй тэрбум төгрөгийг цалин гэж олгодог юм байна. Энэ нь 310 сая ам.доллар. Нөгөө 600 гаруй сая ам.долларынхаа тал нь манай салбарын 89 мянган ажилтанд цалин хэлбэрээр очсон байна.
Харамсалтай нь 2020 онд орлого байхгүй, цалингүй ажлаасаа халагдсан чөлөө авсан байдалтай байна" гэв. Аялал жуулчлалын салбарын хувийн хэвшлийн төлөөллүүд өөрсдийн байр сууриа илэрхийлж, салбарын хөгжилд цаашид авч, хэрэгжүүлэх арга хэмжээний талаар санал, бодлоо илэрхийллээ.
Нийтэлсэн огноо2021-02-25
