WORLD ECONOMICS: Монгол улсын борлуулалтын менежерүүдийн индекс өсөлтйн бүсэд шилжив www.bloombergtv.mn
Монгол Улсын борлуулалтын менежерүүдийн индекс гуравдугаар сард сүүлийн найман сарын дээд түвшинд хүрсэн байна.
Гуравдугаар сарын 21-ний байдлаар борлуулалтын менежерүүдийн индекс 53.4 нэгж болж, өсөлтийн бүсэд орсныг “World Economics” мэдээллээ. Түүнчлэн зах зээлийн өсөлтийн индекс болон борлуулалтын индекс тус бүр сүүлийн найман сарын дээд түвшинд хүрч, 50 нэгжийн босгыг давсан байна.
Дотоодод “коронавирус”-ийн халдвар бүртгэгдсэнээс хойш Засгийн газар гурван удаагийн хатуу хөл хорио тогтоосон юм. Хоёрдугаар сарын 23-нд хөл хориог цуцалж, бизнесийн үйл ажиллагаа эргэн сэргэснээр зах зээлд ийнхүү өсөлт ажиглагдаж эхэлжээ.
Үүнээс гадна Засгийн газраас Эрүүл мэндээ хамгаалж, эдийн засгаа дэмжих 10 их наяд төгрөгийн хөтөлбөрийн хүрээнд ажлын байрыг дэмжих гурван хувийн хүүтэй зээл олгож байна. Одоогийн байдлаар 29.3 мянган ажлын байрыг хадгалж үлдсэн гэсэн тооцооллыг хийжээ.
Нийтэлсэн огноо2021-04-07
