Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Эдийн засгийн идэвхжлийг дагаад инфляц энэ онд 7% орчимд хүрэх төлөвтэй www.gogo.mn
Ойрын саруудад үнийн өсөлтөд нийлүүлэлтийн шинжтэй хүчин зүйлс илүү нөлөөлөхөөр байгааг Монголбанкнаас нийтэлдэг “Инфляцын тайлан”-д дурдсан байна.
Тухайлбал, инфляц 2 дугаар улиралд 5%, оны сүүлийн улиралд 7% хүрэх тѳсѳѳллийг тѳв банк танилцуулжээ. Нийлүүлэлтийн хүчин зүйлсийн хувьд цар тахлын сөрөг нөлөөллийг бууруулах, иргэдийн амьжиргааг дэмжих хүрээнд Засгийн газар сайжруулсан түлшний үнийг гэр хорооллын 220 мянган өрхийн иргэдэд 75 хувиар хямдруулсан үнээр худалдах шийдвэр гаргасан. Энэхүү шийдвэр хэрэгжиж дуусахад хатуу түлшний үнэ эргэн хэвийн хэмжээнд хүрч өсөх нь инфляцад голлон нөлөөлөхөөр байна.
Мөн ЗГ-аас 7-р сар хүртэл АИ92 бензиний үнийг тогтвортой байлгах бодлого хэрэгжүүлж байгаа ч ѳнгѳрсѳн жил 300-400 тѳгрѳгѳѳр огцом хямдарсан суурь нѳлѳѳ бүтэн жилээ тойрсноор инфляцыг нам дор байлгаж байсан нөлөө нь арилж буй. Үүнтэй зэрэгцэн Өнгөрсөн онд дэлхийн зах зээлд -40 ам.доллар хүртлээ унасан газрын тосны үнэ сэргэсэн нь цаашид инфляцын дарамтыг нэмэгдүүлэх эрсдэлтэй. Одоогоор дэлхийн зах зээлд брент төрлийн газрын тосны үнэ баррель нь $64 орчимд хэлбэлзэж байгаа нь 2019 оны төгсгөлд буюу цар тахал дэгдэхээс өмнөх үеийн түвшинд ирснийг харуулж байна. Олон улсын зах зээл дэх үнийн нөлөөний талаар АМГТГ “Бүтээгдэхүүнээ 100 хувь гаднаас импортлодог манай улсын хувьд энэ нь шатахууны үнэ нэмэгдэх нөхцлийг бүрдүүлж байна” гэж мэдэгдэж байсан юм.
Гэхдээ инфляц Монголбанкны зорилтот түвшин орчимд хадгалагдана гэдгийг тус тайланд онцолжээ. Энэ оноос төв банк инфляцыг +/- 2 нэгж хувийн интервалтайгаар 6% орчимд тогтворжуулахаар зорьж байгаа. Өнгөрсөн саруудад инфляц 2-3% орчимд буюу нам түвшинд байж ирсэн нь дээрх нийлүүлэлтийн хүчин зүйлсээс гадна, талаас цар тахлын улмаас дотоодын эдийн засаг огцом агшиж эрэлтийн хүчин зүйлс саарсантай холбоотой.
Тэгвэл энэ онд эдийн засаг 6-аас дээш хувиар өсөх төсөөллийг голлох байгууллагууд гаргаад байгаа. Эдийн засгийг дэмжих бодлогын арга хэмжээнүүд нь эрэлтээр дамжин инфляц алгуур өсөхөд нөлөөлөхөөр байна. Мөн дотоодод дахин хатуу хөл хорио тогтоолгүй вакцинжуулалтыг эрчимжүүлж эхэлсэн нь идэвхжилийг нэмэгдүүлэх хүлээлттэй байна. Ингэснээр инфляц энэ оны төгсгөлд 7 орчим хувь хүрч, ирэх оны эхний хагас жилд 6% орчимд тогтворжихоор байна.
Нийтэлсэн огноо2021-04-07
