Мэдээ мэдээлэл

Англи амин дэм Монгол улсад албан ёсоор бүртгэгдлээ.

Аж үйлдвэрийн салбарын үйлдвэрлэл I-VIII сард 28 хувиар өсөж, 12.3 их наяд төгрөг болжээ www.bloombergtv.mn

Аж үйлдвэрийн салбарын үйлдвэрлэл оны эхний найман сард 12.3 их наяд төгрөг болж, өмнөх оны мөн үеэс 28 хувиар өссөн байна. Уул уурхай олборлолтын салбарын үйлдвэрлэл 29.9 хувиар, боловсруулах салбарын үйлдвэрлэл 28.7 хувиар өссөн нь голлон нөлөөлжээ.

Тайлант хугацаанд уул уурхай, олборлолтын салбарт зэсийн баяжмал, төмрийн хүдэр, хайлуур жонш, чулуун нүүрс, хүрэн нүүрс болон газрын тосны олборлолт өмнөх оны мөн үеэс 4.5 хувиас 2.1 дахин өссөн байна. Харин алтны олборлолт 4.6 хувиар буурчээ. Борлуулалтын хувьд өмнөх оны мөн үеэс 61.9 хувиар өсөж, 11.5 их наяд төгрөг болсон байна. Үүн дотор металлын хүдэр олборлолтын салбарын борлуулалт хамгийн их буюу 3.2 их наяд төгрөгөөр өсжээ.

Харин нүүрснийх 826.8 тэрбум төгрөгөөр өссөн байна. Олон улсын зах зээлд түүхий эдийн үнэ өндөр байгаатай холбоотойгоор борлуулалтын орлого өсжээ. Хэдий тийм боловч цар тахлын улмаас нүүрсний тээврийг хэд хэдэн удаа зогсоосон нь экспортын биет хэмжээ буурахад нөлөөлсөн байна.

Оны эхний найман сард Монгол Улс 10.9 сая тонн чулуун нүүрс экспортолсон байна. Энэ нь өмнөх оны мөн үетэй харьцуулахад 27.6 орчим хувиар буурсан үзүүлэлт боллоо. Экспортын биет хэмжээний бууралтыг түүхий эдийн үнийн өсөлт нөхөж байгааг шинжээчид онцолж байна.

Харин үйлдвэрлэгчийн үнийн индекс наймдугаар сард урьдчилсан гүйцэтгэлээр 17.4 хувиар өсөж, 163.6 нэгж болсон байна. Энэ нь уул уурхай олборлолтын салбарын үйлдвэрлэгчийн үнэ 21 хувиар өссөнөөс шалтгаалжээ.

Нийтэлсэн огноо2021-09-22

Категори

Үйл явдал

Аж үйлдвэрийн салбарын үйлдвэрлэл I-VIII сард 28 хувиар өсөж, 12.3 их наяд төгрөг болжээ www.bloombergtv.mn

Үйл Явдал

Мэдээ

Facebook