"Troy Minerals"-ийн хэрэгжүүлж буй “Цагаан залаа” цахиурын төсөл нь Говь-Алтай аймгийн нутаг дэвсгэрт 1670 га талбайг хамардаг

Канадын “Troy Minerals” компани цахиурын "Цагаан залаа" төсөлдөө олборлолтын лиценз эзэмших хүсэлтийг Аж үйлдвэр, Эрдэс баялгийн яаманд гаргаснаа мэдээллээ. Тус компани уурхайн лиценз эзэмших зөвшөөрлөө "Grand Samsara" охин компаниараа дамжуулан хүргүүлсэн байна.

“Troy Minerals” Говь-Алтай аймагт байрлалтай цахиурын төслийнхөө олборлолтыг энэ онд багтаан эхлүүлэх зорилготой байгаа бөгөөд өнгөрсөн оны эцсээр төслийнхөө өрөмдлөгийн баазыг эргэн сэргээгээд байгаа юм. Тус компанийн хувьд цахиурын хоёр гол төсөлдөө төвлөрөн үйл ажиллагаа явуулж байна. Нэг нь Монголын говьд буюу БНХАУ-ын хилээс 200 км-ийн зайд байрлалтай, нөгөө нь Канад улсад байдаг аж.

"Лиценз эзэмших хүсэлтээ гаргасан нь “Troy Minerals” болон охин компаниудад нь томоохон ахиц дэвшил болж байна" гэж тус компанийн Ерөнхийлөгч Яннис Цитос онцолж байна. “Цагаан залаа төсөл нь компанийг чухал ашигт малтмалын салбарын гол тоглогчдын нэг болгоход чухал нөлөөтэй байна" гэж тэрбээр тодотгожээ.

Хагас дамжуулагч, нарны зай хураагуур зэрэг бүтээгдэхүүн үйлдвэрлэлд ашиглагдах боломжтой цахиурын үнэ сүүлийн нэг жилийн хугацаанд 40 гаруй хувиар өсөөд байгаа юм.