Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Оюу толгой: 2009-2019 оны II улирал хүртэл Монголын компаниудтай хийсэн худалдан авалт , татвар, хураамж, цалинд 9.5 тэрбум ам.доллар зарцуулсан www.bloombergtv.mn
Монгол Улсын Засгийн газар, “Turquoise Hill Resources”, “Rio Tinto” компани “Оюу Толгой”-ийн хөрөнгө оруулалтын гэрээ байгуулснаас хойш 10 жил өнгөрөөд байна.
“Оюу Толгой” ХХК 2010-2019 оны II улирлын байдлаар Монголын компаниудтай хийсэн худалдан авалт, төсөвт төлсөн татвар, хураамж, ажилчдын цалин зэрэгт 9.5 тэрбум ам.доллар зарцуулсан талаар мэдээлсэн юм. Үүнээс 2.4 тэрбум ам.долларыг татвар, хураамж болон бусад төлбөрт төлсөн бол үндэсний худалдан авалтад 2.9 тэрбум ам.доллар зарцуулжээ. Тухайлбал: зөвхөн Өмнөговь аймгийн хэмжээнд 488 сая ам.доллар зарцуулсан талаар онцоллоо. 2019 оны эхний хоёр улиралд “Оюу Толгой” төсөлд 689 компани бүтээгдэхүүн үйлчилгээгээ нийлүүлсэн байна. Үүнээс 484 нь үндэсний компани байжээ.
Үүнээс гадна II улирлын эцсийн байдлаар “Оюу Толгой”-ийн ил уурхайн олборлолт болон гүний уурхайн бүтээн байгуулалтад ажиллаж байгаа нийт ажиллах хүчний тоо 15 мянга 500 хүрсэн бөгөөд 92 хувь нь монголчууд байжээ.
Мөн “Оюу Толгой”-ийн төслийг эрчим хүчээр хангах цахилгаан станцын төслийг Тавантолгойн нүүрсний уурхайд түшиглэн байгуулахаар Монгол Улсын Засгийн газар хөрөнгө оруулагч талтай тохиролцсон юм. Хэдий тийм боловч "Нүүрсний станцын төсөлд санхүүжилт татах амаргүй байгаа" гэж “Rio Tinto”-ийн Зэс, очир эрдэнийн группийн захирал Арнауд Суарат “Bloomberg”-т ярилцлага өгөх үедээ хэлж байлаа. Энэхүү төслийн санхүүжилт нэг тэрбум ам.доллар гэж Монголын талын төсөл хэрэгжүүлэгч нэгж 2018 онд мэдээлж байсан юм.
Түүнчлэн “Оюу Толгой” ордын нийт баялгийн 80 хувь нь байдаг гүний уурхайн бүтээн байгуулалт үргэлжилж байна. Хэдий тийм боловч уурхайн гүн дэх чулуулгийн өвөрмөц тогтцоос болж техникийн хүндрэл үүсэж, анхны олборлолтоо эхлэх хугацаа 2020 он байсныг 16-30 сараар хойшлуулж байгаагаа хөрөнгө оруулагч тал зарласан юм. Үүний улмаас 5.3 тэрбум ам.доллароор хэмжигдэж байсан гүний уурхайн хөрөнгө оруулалтын зардал 1.2-1.9 тэрбум ам.доллароор нэмэгдэх төлөвтэй байгаа юм байна. Энэ нь цаашид Монгол Улсын Засгийн газрын өр, төлбөрт яаж нөлөөлөх нь тодорхойгүй байгаа ажээ. Одоогоор Монголын талын өр, хүүгийн хамт 1.7 тэрбум ам.доллар болсон гэж “Эрдэнэс Оюу Толгой” ХХК мэдээлсэн юм.
Гүний уурхайн олборлолт хойшлох тухай мэдэгдэл гарахаас өмнө “Оюу Толгой”-ийн гэрээний хэрэгжилтийг шалгасан УИХ-ын ажлын хэсгийн дүгнэлтэд "Монголын тал ирээдүйд ногдол ашгаа суутгаснаар 2039 онд ойролцоогоор нэг тэрбум ам.долларын өрийн үлдэгдэлтэй хоцорч болзошгүй байна" гэжээ. Мөн хөрөнгө оруулалтын гэрээний өөрчлөлт, Дубайн гэрээг хүчингүй болгох зэргийг дүгнэлтдээ оруулсан юм. Одоогоор УИХ ямар шийдвэр гаргах нь тодорхойгүй байна. Үүн дээр нэмээд Татварын ерөнхий газар “Оюу Толгой” ХХК-д акт тавьж, 150 сая ам.долларын татвар хураамж нэхэмжилж байгаа юм. Хөрөнгө оруулагч тал үүнийг хүлээн зөвшөөрөхгүй байна.
Нийтэлсэн огноо2019-10-08
