Мэдээ мэдээлэл

Англи амин дэм Монгол улсад албан ёсоор бүртгэгдлээ.

ТОСК: БНСУ-ын 500 сая ам.долларын хөнгөлөлттэй зээлээр барих "Солонго" хорооллын ТЭЗҮ-ийг эцэслэлээ www.bloombergtv.mn

БНСУ-ын 500 сая ам.долларын хөнгөлөлттэй зээлээр баригдах “Солонго-1”, “Солонго-2” хорооллын ТЭЗҮ-ийг боловсруулж, эцэслэсэн болохоо Төрийн орон сууцны корпораци мэдээллээ.

Ингэснээр 5004 айлын түрээсийн орон сууц ашиглалтад орох боломжтой болох юм. Агаарын бохирдлыг бууруулах зорилгоор БНСУ-аас олгож байгаа энэхүү зээл нь жилийн 0.15 хувийн хүүтэй 40 жилийн хугацаатай зээл юм.

Түрээсийн орон сууц хөтөлбөрийн хүрээнд зорилтот найман бүлгийн иргэдийг хамруулж 2019 оны долоодугаар сар хүртэл сүүлийн гурван жилд нийт 11.9 тэрбум төгрөгийн орлого олжээ. Энэ орлогыг Монгол Улсын Хөгжлийн банкны зээлийн хүүнд шилжүүлсэн талаар Төрийн орон сууцны корпораци мэдээллээ. “Түрээсийн орон сууц” хөтөлбөрийн хүрээнд улсын хэмжээнд нийт 3054 айлын орон сууц түрээсийн орон сууцны санд бүртгэгдээд байна. Зөвхөн 2018 онд л гэхэд зорилтот найман бүлгийн 1542 айлын орон сууцыг санд шилжүүлжээ. Эдгээрийг бүсээр нь аваад үзвэл Улаанбаатар хотод хамгийн их буюу 787 айлын орон сууц харьяалагдаж байхад бусад долоон аймагт үлдсэн 50 орчим хувь нь багтаж байна.

Дээрх түрээсийн орон сууцуудаас Говь-Алтай, Хөвсгөл болон Улаанбаатар хотод “Буянт-Ухаа 2” хорооллын хоёрдугаар ээлжийн орон сууцны барилгын ажлыг энэ онд дуусгаж, айл өрхүүдээ оруулж эхлээд байгаа юм. Харин Орхон-Уул аймаг дахь 315 айлын орон сууцны барилгын ажил бүрэн дуусаж, улсын комисс ажиллахад бэлэн болоод байгаа талаар Төрийн орон сууцны корпорациас мэдээлж байна.

Цаашид “Түрээсийн орон сууц” хөтөлбөрт заасны дагуу Улаанбаатар хотод 16 мянган орон сууц, орон нутагт 4000 түрээсийн орон сууцны сан бүрдүүлж, зорилтот бүлгийн иргэдийг хамруулахаар төлөвлөжээ.

Нийтэлсэн огноо2019-11-07

Категори

Үйл явдал

ТОСК: БНСУ-ын 500 сая ам.долларын хөнгөлөлттэй зээлээр барих "Солонго" хорооллын ТЭЗҮ-ийг эцэслэлээ www.bloombergtv.mn

Үйл Явдал

Мэдээ

Facebook