08.15-наас 09.12 хүртэл нийслэлд авто машины дугаарын хязгаарлалт тогтооно гэдгийг Хотын дарга Б.Пүрэвдагва  өнгсөрсөн сард мэдээлсэн.

Тэрээр автомашины хязгаарлалт тогтоохыг хүсэхгүй байгаа ч энэ арга хэмжээг авахаас өөр аргагүй байна. Учир нь ирэх сарын 17-нд Цөлжилттэй тэмцэх тухай НҮБ-ын конвенцын талуудын 17-р бага хурал эхэлнэ. Хуралд 4000 орчим хүн оролцохоор ирнэ гэсэн юм.

Нийслэлд хөдөлгөөнд оролцож буй тээврийн хэрэгсэл жилд дунджаар 8-10 хувиар өсдөг. Иймд тэг зогсох эрсдэлийг бууруулах үүднээс энэ сарын 15-ны өдрөөс есдүгээр сарын 12-ны өдрийн хороонд хязгаарлалт хэрэгжүүлнэ. 

Тэгш өдөр тэгш тоотой, сондгой өдөр сондгой тээврийн хэрэгсэл хөдөлгөөнд оролцоно. Есдүгээр сарын 1-ний өдөр сургууль цэцэрлэгийн нээлтийн үйл ажиллагаатай холбоотой ачаалал ихэсдэг учраас ямар нэг хязгаарлалтгүйгээр хөдөлгөөнд оролцоно. 

Энэ жил ямар нэгэн бүсчлэлгүйгээр 07:00-21:00 цаг хооронд хязгаарлалт үйлчилнэ. Уулзвар бүр дээрх хяналтын камерын тусламжтайгаар хяналт тавих юм. 

Тэгш, сондгойн дугаарын хязгаарлалтад хамаарагдахгүй тээврийн хэрэгслүүд: 

Ногоон дугаартай цахилгаан тэжээлийн тээврийн хэрэгсэл,
Хэвлэл мэдээллийн байгууллагын тээврийн хэрэгсэл,
Дипломат байгууллага болон зочид төлөөлөгчдийн үйлчилгээнд явж буй тээврийн хэрэгсэл,
Ажилчид сургуулийн автобус,
Стандартын шаардлага хангасан такси үйлчилгээ,
Хүнсний түгээлт болон татан авалтын тээврийн хэрэгсэл,
Оршуулгын үйл ажиллагаанд үйлчилж буй тээврийн хэрэгсэл,
Жуулчин тээвэр,
Эмнэлэг, цагдаа, онцгой байдлын болон нийтийн тээвэр, 
Хот нийтийн аж ахуйн чиглэлээр үйл ажиллагаа явуулж буй тусгай тээврийн хэрэгслүүдэд дугаарын хязгаарлалтад үйлчлэхгүй. 

Нийтэлсэн огноо2026-08-10