Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
ГЕГ: Монгол улсын нефтийн бүтээгдэхүүний худалдаа 2019 онд 799.1 сая ам.долларын алдагдалтай гарсан www.bloombergtv.mn
Монгол Улс 2019 онд 366.7 сая ам.долларын газрын тос экспортолсон бол импортоор 1.16 тэрбум ам.долларын нефтийн бүтээгдэхүүн импортолсон талаар Гаалийн ерөнхий газар мэдээллээ.
Өөрөөр хэлбэл нефтийн салбарт Монгол Улс 799.1 сая ам.долларын алдагдалтай худалдаа хийсэн аж. Одоогоор “Петрочайна Дачин Тамсаг” болон “Доншин” компаниуд газрын тос экспортолж байгаа юм. Өнгөрсөн онд экспорт биет хэмжээгээр таван хувиар өсөж, 6.5 сая баррель болсон байна.
Ашигт малтмал, Газрын тосны газрын мэдээлснээр 2019 онд нийт 8.15 сая баррель газрын тос экспортлохоор төлөвлөжээ. хэдий тийм боловч энэхүү төлөвлөгөөндөө хараахан хүрээгүй байна.
2019 онд газрын тосны салбарт гарсан онцлох үйл явдал бол “Petro Matad” компани шинэ орд нээн илрүүлсэн явдал юм. Энэ нь Монгол Улс 79 жилийн дараа өөрсдөө бие даан газрын тос олж илрүүлсэн тохиолдол болж байна. Тамсагийн сав газарт харьяалагдах “Цэн тогоруу” талбайн цооногт хийсэн өрөмдлөгөөр 2834 метрийн гүнээс газрын тос ундарч гарчээ.
Лондоны Хөрөнгийн биржид бүртгэлтэй “Petro Matad" компани энэхүү талбайдаа олборлолт хийх зөвшөөрлөө авахаар ажиллаж байна. Одоогоор газрын тосны 17 талбайд хайгуул хийхээр бүтээгдэхүүн хуваах гэрээ байгуулсан аж. Үүнээс гурван талбайд өнгөрсөн онд хайгуул хийжээ. Цаашид газрын тосны эрэлт нэмэгдэх бөгөөд жилд 1.5 сая тонн газрын тос боловсруулах үйлдвэрийг 2023 онд ашиглалтад оруулахаар төлөвлөжээ. Хэдий тийм боловч түүхий эдийн нийлүүлэлт дутагдалтай гэж салбарынхан үзэж байна.
2019 онд эрдэс бүтээгдэхүүний импортын 85 хувийг нефтийн бүтээгдэхүүн эзэлсэн ба нефтийн бүтээгдэхүүний импорт 2018 оныхтой харьцуулахад биет хэмжээгээр 17 хувиар өсөж, 1.8 сая тонн болсон байна. Харин мөнгөн дүнгээр таван хувиар өсөж, 1.16 тэрбум ам.доллар болсон талаар Гаалийн ерөнхий газар мэдээллээ.
Автобензин, дизель түлшний импортын 33.4 хувийг автобензин, 66.6 хувийг дизель түлш бүрдүүлжээ. Шатахууны импорт биет хэмжээгээр өсөх нь дотоодод эдийн засгийн идэвхжил сайн байгааг илтгэн харуулдаг нэг үзүүлэлт ажээ.
Нийтэлсэн огноо2020-01-20
