Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
ОУВС: Дэлхийн эдийн засгийн өсөлт 2020 онд өмнөх оноос эрчимжиж, 3.3 хувьд хүрэх төлөвтэй www.bloombergtv.mn
"Дэлхийн эдийн засгийн өсөлтийн хувь 2020 онд өмнөх оныхоос нэмэгдэнэ" гэж Олон Улсын Валютын Сан таамаглаж байна. 2019 онд 2.9 хувь, энэ онд 3.3 хувьд хүрнэ гэсэн төсөөллийг дэвшүүлж байгаа юм.
Хэдий тийм боловч энэ нь аравдугаар сард дэвшүүлж байсан таамагтай харьцуулахад 0.1 пунктээр буурсан дүн юм. Том зургаар нь харвал олон улсын эдийн засгийн өсөлт тогтворжиж байна гэж зарим эдийн засагчид болон Төв банкнууд үзэж байна. Ирэх 2021 онд дэлхийн эдийн засгийн өсөлт үргэлжлэн тэлж 3.4 хувь болно гэж урьдчилан тооцоолоод байна.
Давосын эдийн засгийн чуулга уулзалтад оролцогчдын хувьд Олон Улсын Валютын Сангийн энэхүү шинэ төлөв хэлэлцэх гол сэдэв болох юм. БНХАУ, АНУ-ын худалдааны маргааныг шийдэх эхний шатны хэлэлцээр байгуулагдсан нь дэлхийн эдийн засгийн төлөвийг илүү эергээр харахад нөлөөлсөн байна. Гэхдээ хэлэлцээр тогтвортой хэрэгжиж, үр дүн үзүүлэх эсэхээс цаашдын төлөв хамаарна, үүнд тодорхой хугацаа шаардана гэдгийг Олон Улсын Валютын Сангийн Ахлах эдийн засагч Гита Гопинат хэллээ.
Улс орнуудын эдийн засагт тулгарч буй хамгийн том эрсдэлүүд худалдааны асуудал, газрын тосны нийлүүлэлтэд сөргөөр нөлөөлж болзошгүй байгаа Иран-АНУ-ын хурцадмал харилцаа, геополитикийн асуудлууд, мөн жагсаал цуглаан нийгмийн тогтворгүй байдал хэвээр байгааг тэмдэглэжээ. Уур амьсгалын өөрчлөлттэй холбоотой байгалийн гамшиг гол эрсдэлийн тоонд зүй ёсоор багтаж байна.
Олон Улсын Валютын Сан энэ удаад ихэнх өндөр хөгжилтэй орнуудын эдийн засгийн өсөлтийн төлөвийг бууруулж эсвэл өмнөх таамгийг хэвээр үлдээжээ. Хэдий тийм боловч үүнд хамаарахгүй нэг улс нь Япон болоод байна. Тус улс эдийн засгийн өсөлтийг дэмжих 120 тэрбум ам.долларын хөтөлбөрийг батлаад байгаа учир 0.5 хувь байсан өсөлтийн таамгийг 0.7 болгон нэмжээ.
БНХАУ-ынхыг мөн 0.2 суурь нэгжээр өсгөж зургаан хувь болгосон байна. Харин АНУ болон Евро бүсийн орнуудын эдийн засгийн өсөлтийн таамаг хувийг бууруулжээ. Энэ онд дэлхийн эдийн засгийн өсөлтийг хамгийн ихээр хойш татах улс Энэтхэг гэдгийг онцолж байна. Дотоодын хэрэглээ буурсан, мөн банк бус санхүүгийн секторт хямралтай байгаа зэрэг нь Энэтхэгийн эдийн засгийн гол сорилтууд болж байгаа гэж үзжээ.
Нийтэлсэн огноо2020-01-21
