Мэдээ мэдээлэл

Ахмадуудын тэтгэврийг хоёрдугаар сарын 1-нээс 25-30 мянган төгрөгөөр нэмэх шийдвэр гаргалаа www.ikon.mn

Засгийн газрын хуралдаан өнөөдөр/2020.01.22/ болж байна.

Хуралдаанаас ахмад настнуудын тэтгэврийг нэмэх шийдвэр гаргажээ.

Тодруулбал, 500 мянган төгрөг хүртэлх тэтгэврийг 30 мянга, 500 мянга болон түүнээс дээш хэмжээтэй тэтгэврийг 25 мянган төгрөгөөр нэмэхээр болжээ.

Тэтгэврийн нэмэгдлийг 2020 оны хоёрдугаар сарын 1-нээс олгож эхлэх юм байна.

Нийгмийн даатгалын сангаас олгож байгаа болон цэргийн алба хаасны 500 мянга хүртэлх төгрөгийн тэтгэврийг инфляцийн түвшинтэй уялдуулан 30 мянга, 500 мянга болон түүнээс дээш төгрөгийн тэтгэврийг 25 мянган төгрөгөөр нэмлээ.

Дэлгэрэнгүй мэдээлэл:

Бүрэн тэтгэврийн болон цэргийн тэтгэврийн доод хэмжээг 350 мянга, Нийгмийн даатгалын сангаас олгож байгаа хувь тэнцүүлсэн тэтгэврийн доод хэмжээг 300 мянган төгрөг болгон шинэчлэв. Энэ нь 421.7 мянган иргэний тэтгэвэр 25-40 мянган төгрөгөөр буюу дунджаар 8.8 хувиар нэмэгдэж, дундаж тэтгэвэр 409 мянган төгрөг болж байна гэсэн үг юм.

Өөрөөр хэлбэл 2016 онд:

251 мянган төгрөг байсан бүрэн тэтгэврийн доод хэмжээ 350 мянга

216 мянган төгрөг байсан хувь тэнцүүлсэн тэтгэврийн доод хэмжээ 300 мянга

312.9 мянган төгрөг байсан дундаж тэтгэвэр 409 мянган төгрөг болж байна. Монгол Улсын Засгийн газар 2016 оноос хойш бүрэн тэтгэврийг 39.4, хувь тэнцүүлсэн тэтгэврийг 38.9, дундаж тэтгэврийг 30.7 хувиар нэмжээ. 

Тэтгэвэр нэмсэн тогтоолыг 2020 оны 02 дугаар сарын 01-ний өдрөөс мөрдөж эхэлнэ.

Нийтэлсэн огноо2020-01-22

Категори

Үйл явдал

Ахмадуудын тэтгэврийг хоёрдугаар сарын 1-нээс 25-30 мянган төгрөгөөр нэмэх шийдвэр гаргалаа www.ikon.mn

Үйл Явдал

Мэдээ

Facebook