Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
2019 онд төмрийн хүдрийн экспорт 68.5 хувиар өсөж, 576.6 сая ам.доллар болжээ www.bloombergtv.mn
2020 онд үйл ажиллагаагаа эхлүүлэхээр ТЭЗҮ-ээ батлуулсан төмрийн хүдрийн гурван төсөл байна. Үүнээс хоёр нь баяжуулах үйлдвэр, нэг нь ашиглалтын лицензтэй уурхай гэдгийг Ашигт малтмал, Газрын тосны газар мэдээллээ.
Баяжуулах үйлдвэрүүдийн хувьд нэг нь Хэнтий аймгийн Дархан суманд Баргилтын орд газарт түшиглэсэн бол нөгөөх нь Дархан-Уул аймгийн Хонгор сумын нутагт "Ган эрдэс хүдэр" компанийн үйлдвэр болохыг Ашигт малтмал, Газрын тосны газрын мэдээлэлд дурджээ.
2019 онд Монгол Улс 8.4 сая тонн төмрийн хүдрийг 576.6 сая ам.доллароор экспортолсон байна. Экспорт биет хэмжээгээр 13.4 хувиар, мөнгөн дүнгээр 68.5 хувиар өссөн талаар Үндэсний статистикийн хороо мэдээллээ. Төмрийн хүдрийн бүтээгдэхүүн экспортолж байгаа гол уурхайнуудаас “Алтайн хүдэр” компани Таян нуур уурхайгаас, “Болд төмөр ерөө гол” компани Баянголын уурхайгаас, Дарханы төмөрлөгийн үйлдвэр Төмөртэй, Төмөр толгой ордоос экспорт хийж байна. Мөн “Монголросцветмет” Баргилтын ордоос төмрийн хүдэр олборлон зах зээлд нийлүүлж байгаа юм.
2019 онд Бразил дахь “Vale” компанийн төмрийн хүдрийн уурхайн далангийн ослын улмаас нийлүүлэлт тасалдаж энэхүү түүхий эдийн үнэ өссөн нь Монголын экспортын үзүүлэлтэд мөнгөн дүн талаасаа эерэг нөлөө үзүүлсэн нь статистикийн мэдээллээс харагдаж байна. “Vale”, “Rio Tinto”, “BHP” зэрэг гол олборлогч компаниуд төмрийн хүдрийн нийлүүлэлтээ энэ онд нэмэхээр төлөвлөж байна.
Харин БНХАУ-ын эрэлтийн өсөлт саарч, зах зээлд нийлүүлэлт нэмэгдэх төлөвтэй байгаагаас хамаарч 2020 онд төмрийн хүдрийн үнэ тонн тутамдаа дунджаар 80 ам.доллар болж буурах төлөвтэй гэж “Wood Mackenzie” шинэ төрлийн “коронавирус”-ийн тархалт эрчимжихээс өмнө таамаглаж байв.
Нийтэлсэн огноо2020-01-27
