Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Коронавирусээр өвчилсөн 10 хүний бие эрс сайжирчээ www.zgm.mn
АНУ Монгол Улсын Засгийн газарт 1.2 сая ам.доллар буюу 3.3 тэрбум гаруй төгрөгийн дэмжлэг үзүүлэх болсноо мэдэгдлээ
Гуравдугаар сарын 24-ны байдлаар дэлхийн 195 оронд шинэ коронавирусийн халдварын тохиолдол бүртгэгдэж, 378,848 хүн өвчилж, 16,514 хүн нас баржээ
Эрүүл мэндийн яам шинэ коронавирусийн цар тахлын талаарх цаг үеийн мэдээллийг өргөтгөсөн бүрэлдэхүүнтэй хийлээ. Тухайлбал, АНУ-аас Монгол Улсад суугаа Элчин сайд Майкл Клечески оролцож уг халдварын эсрэг тэмцэхэд зориулж Монгол Улсын Засгийн газарт 1.2 сая ам. доллар буюу 3.3 тэрбум гаруй төгрөгийн дэмжлэг үзүүлэх болсноо мэдэгдэв. Энэхүү дэмжлэгийг АНУ-ын Олон улсын хөгжлийн агентлагаар дамжуулан олгох бөгөөд Монгол Улсын Эрүүл мэндийн яам, Монгол дахь ДЭМБ, НҮБ-ын Хүүхдийн сантай хамтран халдвараас сэргийлэх болон халдварын үеийн хяналтын тогтолцоог сайжруулах зориулах аж. НҮБ-ын Хүүхдийн сангийн суурин төлөөлөгч Алекс Хайкенс “Ажил, орлого алдаж буй айл өрхүүд бий. Өрхийг дэмжих чиглэлд арга хэмжээ авна. Тухайлбал, сургууль, цэцэрлэг, тэр тусмаа 24 цагийн цэцэрлэг хаагдсантай холбоотойгоор хүүхдүүдэд нэн шаардлагатай хоол хүнс, эрүүл ахуйн бүтээгдэхүүнийг хүргүүлэх ажлыг зохион байгуулж байна. Сургууль, цэцэрлэг нээгдэх үед хэрхэн бэлэн байдлаа хангах, ариутгал халдваргүйжүүлэлтийн ажилд дэмжлэг үзүүлж ажиллана. Олон сараар хичээл завсардсан хүүхдүүдэд туслах чиглэлд үйл ажиллагаа явуулахаар төлөвлөж байна. ХНХЯ болон Монголын бизнесийн зөвлөлтэй хамтран гэр бүлд ээлтэй бизнес эрхлэхийг ажил олгогч нартаа уриалах ажил зохион байгуулахаар төлөвлөж байна” хэмээв. Манай улсад шинэ коронавирусийн 10 тохиолдол бүртгэгдээд байгаа бөгөөд хүмүүсийн биеийн байдал эрс сайжирсан талаар ХӨСҮТ-өөс мэдээлэв. Дэлхий дахинд халдварын тохиолдол нэмэгдсээр байна. Өчигдрийн байдлаар дэлхийн 195 оронд шинэ коронавирусийн халдварын тохиолдол бүртгэгдэж, 378,848 хүн өвчилж, 16,514 хүн нас баржээ. Халдвар эрчимтэй тархаж буй Итали улсад нэг өдрийн дотор 601 тохиолдол нэмэгдэж, өвчилсөн хүмүүсийн тоо 63927 болов. Мөн АНУ-д тархалт нэмэгдэж байна. Тус улсад өнөөдрийн байдлаар 10 мянган шинэ тохиолдол бүртгэгджээ. ХӨСҮТ-өөс өгсөн мэдээллээр Истанбул-Улаанбаатар чиглэлийн онгоцоор энэ сарын 19-нд ирсэн 22 хүний шинжилгээнээс коронавирус илрээгүй байна. ХӨСҮТ-ийн ерөнхий захирал Д.Нямхүү “Истанбул-Улаанбаатар чиглэлийн онгоцоор энэ сарын 19- нд ирсэн 22 хүний шинжилгээнээс коронавирус илрээгүй. Нийт 46 хүнд шинжилгээ хийхэд халдвар илрээгүй. Өнөөдрөөс 200 гаруй хүний шинжилгээний сорьцыг авч шинжилнэ гэсэн төлөвлөгөөтэй байна. Мөн Орхон аймагт тусгаарласан зургаан хүний шинжилгээнээс коронавирус илрээгүй. ХӨСҮТ-д өнөөдрийн байдлаар 289 хүнийг тусгаарлан хянаж байна. Энэ сарын 23-нд Алтанбулагийн боомтоор орж ирсэн зорчигчдоос Сэлэнгэ аймагт хоёр, Орхон аймагт нэг, нийт гурван сэжигтэй тохиолдол тусгаарлан ажиглаж байгаа. Шинжилгээний сорьцыг ХӨСҮТ рүү авчирч байгаа” гэсэн мэдээлэл өглөө.
Нийтэлсэн огноо2020-03-25
