Мэдээ мэдээлэл

Чулуун нүүрсний экспорт жилийн өмнөхөөс 55 хувиар буурчээ www.bloombergtv.mn

Оны эхнээс гуравдугаар сарын 23-ны өдөр хүртэлх хугацаанд чулуун нүүрсний экспорт 55 хувиар буурч, 2.9 сая тонн болсон талаар Гаалийн ерөнхий газар мэдээллээ.

Гашуунсухайт боомтоор 1.47 сая тонн чулуун нүүрс гаргасан нь жилийн өмнөхөөс 53.6 хувиар буурсан бол Шивээхүрэн боомтын экспорт 74.4 хувиар буурч, 718.5 мянган тонн чулуун нүүрс гаргасан байна. Ховдын Булган боомтоор 128.7 мянган тонн чулуун нүүрс экспортолсон нь өнгөрсөн оны мөн үеэс 41.1 хувиар буурсан талаар Гаалийн ерөнхий газар мэдээлэв. Тус боомтоор Хонгконгийн Хөрөнгийн биржид бүртгэлтэй “Mongolia Energy Corporation” нүүрсээ экспортолдог.

Мөн хугацаанд зэсийн баяжмалын экспорт 13.6 хувиар буурч, 283.9 мянган тонн болсон талаар Гаалийн ерөнхий газар мөн мэдээллээ. Гашуунсухайт боомтоор гаргаж байгаа "Оюу Толгой"-ийн зэсийн баяжмалын экспорт оны эхнээс гуравдугаар сарын 23-ны өдөр хүртэлх хугацаанд 24.8 хувиар буурч, 139.5 мянган тонн болсон байна.

Шинэ төрлийн “коронавирус”-ийн халдвар тархсантай холбоотой хилийн хоригт "Оюу Толгой"-ийн зэсийн баяжмал өртөөгүй ч экспортын хэмжээ буурсан гэх мэдээллийг “Оюу Толгой” ХХК өмнө нь өгч байлаа. Мөн “COVID-19”-тэй холбоотой гарч байгаа өртөг зардал, төлөвлөгөөнд гарах өөрчлөлтийг тооцоолоход эрт байна гэж “Turquoise Hill Resources” компани мэдээллээ.

Оны эхнээс гуравдугаар сарын 23 хүртэлх хугацаанд газрын тосны экспорт 79.2 хувиар буурч, 304.5 мянган баррель боллоо. Шинэ төрлийн “коронавирус”-ийн халдвараас сэргийлж Засгийн газар хилээ хааж, гадаадын иргэдийг хилээр нэвтрүүлэхийг хориглоод байна. Энэхүү арга хэмжээ удаан үргэлжилбэл БНХАУ-ын тоног төхөөрөмж, ажиллах хүчнээс ихээхэн хамааралтай Монгол Улсын газрын тосны салбарт нөлөөлж эхэлнэ гэж “Petro Matad” компани мэдээллээ.

Нийтэлсэн огноо2020-03-25

Категори

Үйл явдал

Чулуун нүүрсний экспорт жилийн өмнөхөөс 55 хувиар буурчээ www.bloombergtv.mn

Үйл Явдал

Мэдээ

Facebook