Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Судалгаанд оролцсон ААН-үүдийн 54 хувь нь орлогогүй болжээ www.montsame.mn
Улаанбаатар /МОНЦАМЭ/. Бизнесийн төлөөллийн байгууллага МҮХАҮТ-аас "COVID-19" ба ААН-үүдийн нөхцөл байдал" гэсэн судалгааг 3 мянга гаруй бизнес эрхлэгчээс авсныг Танхимын ерөнхийлөгч О.Амартүвшин өнөөдөр цахимаар танилцууллаа.
Цахимаар авсан судалгаанд оролцогчдын 27 хувь нь үйлчилгээний салбарынхан байв. Судалгаагаар "COVID-19" цар тахлын нөхцөл байдал мэдээллийн технологийн салбарт хамгийн бага нөлөөлсөн бол аялал жуулчлал, боловсролын салбарт хамгийн их нөлөөлсөн гэсэн дүн гарчээ. Хамрагдсан ААН-үүдийн 60 хувь нь бүрэн зогссон бол 10 хувь нь зайнаас ажиллаж байна.
Уул уурхай, мэдээллийн технологи, эрүүл мэндийн салбарууд хэвийн байна. Компаниудын 35 хувь нь халдвар хамгааллын дэглэмийг сахиад тодорхой дүрэм журам гаргаад ажиллах боломжтой гэж үзсэн бол 5 хувь нь ямар ч арга байхгүй бүрэн зогсоно гэжээ.
Мөн ААН-үүдийн 84 хувь нь 90 хоног хүртэл цалингаа тавих боломжтой, түүнээс цааш боломжгүй гэсэн байна. Хөл хорионы дэглэм 12 дугаар сарын 31 хүртэл үргэлжилбэл 432 мянган хүн ажилгүй болох дүр зураг судалгаагаар гарчээ. Мөн нийт ААН-ийн 72 хувь нь зээлтэй байгаагийн 31 хувь нь 101-500 сая төгрөгийн зээлтэй байна. Хувиараа бизнес эрхлэгчдийн 72 хувийнх нь орлого бүрэн зогссон байна.
Гадаад худалдаа эрхлэгчид болон үйлдвэрлэгчид экспортыг дэмжих чиглэлд Paypal төлбөр тооцооны системийг Монголд нэвтрүүлэх санал тавьж байна.
Хөл хорионы үед үүсээд буй хамгийн том хүндрэл бол ажлын байраа хадгалах, ажиллагсдын цалин тавих гэж ААН-үүдийн 24 хувь нь хариулжээ. ААН-үүдийн 55 хувь нь татварын хөнгөлөлт чөлөөлөлт шаардлагатай гэж үзсэн бол 50 хувь нь бизнесийн үйл ажиллагаагаа үргэлжлүүлэх боломж олгохыг хүссэн байна.
Мөн судалгаанд оролцогчдын 25 хувь нь ажилчдаа ажлаас нь чөлөөлсөн гэж мэдэгдсэнээс тооцоход 7 мянган хүн ажилгүй болсон байна. Мөн ААН-үүдийн 54 хувь нь орлогогүй болсон ба хөл хориог дахин 14 хоногоор нэмбэл 64 хувь нь ийм байдалд очих дүн гарчээ. МҮХАҮТ-аас цар тахлын улмаас хохирол амссан бизнес эрхлэгчдэд санхүүгийн дэмжлэг үзүүлэх хэрэгтэй гэж үзэж байна. Гадаад худалдаа эрхлэгчид болон үйлдвэрлэгчид экспортыг дэмжих чиглэлд Paypal төлбөр тооцооны системийг Монголд нэвтрүүлэх арга хэмжээ авах санал тавьжээ.
Нийтэлсэн огноо2020-11-27
