Мэдээ мэдээлэл

ЭМЯ: Нэмж амьсгалын 400 аппарат авахаар төлөвлөөд байна www.bloombergtv.mn

Улаанбаатар хотод хоёр, Сэлэнгэ аймагт таван хүний шинжилгээний сорьцод “коронавирус”-ийн халдвар илэрч, дотоодод тархсан тохиолдол 348 боллоо. Эдгээр нь бүгд халдварын голомтод тооцогдсон хүний ойрын хавьтлын давтан шинжилгээнээс илэрсэн байна.

Нийслэлд долоон дүүргийн 26 хороонд "COVID-19"-ийн халдварын 77 тохиолдол батлагдаад байна. Үүний 60 орчим хувь нь Баянзүрх болон Баянгол дүүрэгт бүртгэгджээ. Улаанбаатар хотоос гадна зургаан аймагт кластер өвчлөлийн голомт бүртгэгдээд байгаа юм. Сүүлийн байдлаар Сэлэнгэ аймагт “коронавирус”-ийн халдварын тоо таваар нэмэгдсэнээр 179 болж байна. Бусад аймагт шинэ тохиолдол бүртгэгдээгүй. Ингэснээр улсын хэмжээнд “COVID-19”-ийн нийт батлагдсан тохиолдлын тоо 791 болж байна. Үүнээс 354 нь эдгэрсэн бол үлдсэн нь эмчлүүлж байна.

“COVID-19”-ийн эмчилгээнд зориулж амьсгалын аппаратын нөөцийг хангалттай бэлтгэсэн талаар Эрүүл мэндийн сайд Т.Мөнхсайхан мэдээллээ. Нэмж амьсгалын 400 аппарат авахаар төлөвлөөд байгаа юм байна.

Үүнээс гадна Нийслэл, Архангай, Сэлэнгэ аймагт бүх нийтийн бэлэн байдлын зэргийг 10 хоногоор сунгаж, 12 дугаар сарын 11-ний өдрийн 06.00 цаг хүртэл үргэлжлүүлэх шийдвэрийг Засгийн газар гаргалаа. Халдвар тархаагүй, бүртгэгдээгүй, тархалтыг хязгаарласан бусад аймагт бүх нийтийн бэлэн байдлын зэргийг 12 дугаар сарын нэгний өдрийн 06.00 цагаас бууруулж,10 хоног өндөржүүлсэн бэлэн байдлын зэрэгт шилжүүлэхээр болсон байна.

Харин гадаад улсад байгаа иргэдийг энэ хугацаанд татан авахгүй байхаар шийдвэрлэснийг Онцгой байдлын ерөнхий газраас мэдээллээ.

Нийтэлсэн огноо2020-11-30

Категори

Үйл явдал

ЭМЯ: Нэмж амьсгалын 400 аппарат авахаар төлөвлөөд байна www.bloombergtv.mn

Үйл Явдал

Мэдээ

Facebook