1 MONGOLIA INVITES NORTH AMERICAN TRAVELERS TO DISCOVER THE 'BIG FIVE' OF THE STEPPE AND GOBI WWW.EINPRESSWIRE.COM PUBLISHED:2026/11/16      2 EXPERT EXPLAINS MINSK’S POLICY IN NON-CIS COUNTRIES USING MONGOLIA AS EXAMPLE WWW.ENG.BELTA.BY PUBLISHED:2026/11/16      3 UP TO 20,000 TONNES OF MEAT TO BE STOCKPILED FOR ULAANBAATAR’S WINTER AND SPRING DEMAND WWW.MONTSAME.MN PUBLISHED:2026/11/16      4 DAMAGE ASSESSMENT REPORT ON NUMRUG STRICTLY PROTECTED AREA PRESENTED WWW.MONTSAME.MN PUBLISHED:2026/11/16      5 NICOLAS CAGE PAID $276,000 FOR A DINOSAUR SKULL AFTER A BIDDING WAR WITH LEONARDO DICAPRIO, BUT IT TURNED OUT TO BE STOLEN WWW.CRONISTA.COM PUBLISHED:2026/11/15      6 MONGOLIA’S OIL REFINERY SCHEDULED TO BEGIN OPERATIONS IN FEBRUARY 2028 WWW.GOGO.MN PUBLISHED:2026/11/15      7 MONGOLIA ONCE AGAIN CALLS ON MALAYSIA TO DELIVER JUSTICE FOR ALTANTUYA WWW.ASIANEWS.IT PUBLISHED:2026/11/15      8 CONSUMER PRICES RISE 13.4% YEAR-ON-YEAR WWW.MONTSAME.MN PUBLISHED:2026/11/14      9 PARLIAMENT APPROVES 2027 STATE BUDGET WWW.MONTSAME.MN PUBLISHED:2026/11/14      10 FUEL IMPORTS RISE OVER 10% WWW.MONTSAME.MN PUBLISHED:2026/11/14      ТӨСВИЙН АЛДАГДАЛ ЖИЛИЙН ТӨЛӨВЛӨГӨӨНӨӨС 44 ХУВИАР ДАВЖ, 1.4 ИХ НАЯДАД ХҮРЛЭЭ WWW.ITOIM.MN НИЙТЭЛСЭН:2026/11/16     Д.БАТЛУТЫГ ЭНЭ 7 ХОНОГТ АЛБАН ЁСООР ЧӨЛӨӨЛЖ, ДАРААГИЙН САЙДЫГ ТОМИЛНО WWW.ITOIM.MN НИЙТЭЛСЭН:2026/11/16     НҮҮРСНИЙ ГАЛТ ТЭРЭГ ХОТЫН ТӨВӨӨР ЯВАХАА БОЛИНО WWW.ITOIM.MN НИЙТЭЛСЭН:2026/11/16     МОНГОЛ УЛС НЭГ САЯ ДАХЬ ЖУУЛЧНАА ЭНЭ САРЫН СҮҮЛЭЭР ХҮЛЭЭН АВНА WWW.EAGLE.MN НИЙТЭЛСЭН:2026/11/16     СЭЛБЭ ХОТХОНЫГ ДУЛААНААР ХАНГАЖ ЭХЭЛЖЭЭ WWW.NEWS.MN НИЙТЭЛСЭН:2026/11/16     ОЮУТОЛГОЙН АШГААС ИРГЭН БҮРТ 857 МЯНГАН ТӨГРӨГ ШИЛЖҮҮЛЭХ ЭСЭХИЙГ ХЭЛЭЛЦЭНЭ WWW.NEWS.MN НИЙТЭЛСЭН:2026/11/16     ХҮННҮГИЙН ҮЕИЙН ХАМГИЙН ТОМ БУНХНЫ МАЛТЛАГА ДУУСЖЭЭ WWW.MONTSAME.MN НИЙТЭЛСЭН:2026/11/15     НӨМРӨГИЙН ДЦГ-Т ГАРСАН ТҮЙМРИЙН ХОХИРЛЫН ҮНЭЛГЭЭНИЙ ТАЙЛАНГ БОУАӨЯ-НД ТАНИЛЦУУЛЖ БАЙНА WWW.IKON.MN НИЙТЭЛСЭН:2026/11/15     ЭГИЙН ГОЛЫН УСАН ЦАХИЛГААН СТАНЦ ТӨСЛИЙГ БАЙГАЛЬ ОРЧИНД СӨРӨГ НӨЛӨӨГҮЙ ХЭРЭГЖҮҮЛЭХ БОЛОМЖТОЙ ГЭСЭН УРЬДЧИЛСАН ДҮГНЭЛТ ГАРЧЭЭ WWW.EAGLE.MN НИЙТЭЛСЭН:2026/11/15     З.МЭНДСАЙХАН: ИРЭХ ОНЫ ТӨСВИЙН ОРЛОГЫГ УУЛ УУРХАЙН САЛБАР ДЭЭР ТУЛГУУРЛАЖ ОЛНО WWW.ITOIM.MN НИЙТЭЛСЭН:2026/11/14    
Англи амин дэм Монгол улсад албан ёсоор бүртгэгдлээ.

Монгол Улс ирэх жилүүдэд АХБ-наас $655 саяын хөнгөлөлттэй зээл авах асуудлыг УИХ-аар хэлэлцүүлж байна www.bloombergtv.mn

Б.Жавхлан: Азийн хөгжлийн банктай байгуулах санхүүжилтийн ерөнхий хөтөлбөр нь олон улсын гэрээ бөгөөд УИХ-аар зайлшгүй соёрхон батлах шаардлагатай тул хуулийн төслийг боловсруулж оруулж ирж байна.Монгол Улс 33 жилийн хугацаанд Дэлхийн банк, Азийн хөгжлийн банк зэрэг олон талт хөгжлийн байгууллагуудтай зээлийн харилцаанд орж тэдгээрээс нийт 7.7 тэрбум ам.долларын зээл авсан байна. Үүнээс 5.1 тэрбум ам.долларын үлдэгдэлтэй байгаагаас Азийн хөгжлийн банкны зээл 2.3 тэрбум ам.доллароор хэмжигдэж байна. Өөрөөр хэлбэл өнгөрсөн хугацаанд Монгол Улсын хамгийн том зээлдүүлэгч нь Азийн хөгжлийн банк байжээ.

Эдгээр зээлийн 66 хувь нь Монгол Улсад биет байдлаар хөрөнгө оруулалт болж барилга, тоног төхөөрөмж болж үлдсэн бол 34 хувь нь нийгмийн чиглэлийн төсөл, хөтөлбөрт зарцуулагджээ.

Ирэх жилүүдэд Монгол Улс хэрэгжүүлэх төсөл хөтөлбөрт Азийн хөгжлийн банкнаас хуваарилах боломжтой 655 сая ам.долларын санхүүжилтийн хөтөлбөрийг хоёр тал хамтран боловсруулж, бэлтгэл ажлаа хангаж буйг Сангийн сайд танилцууллаа.

Хөтөлбөрт гарын үсэг зурах эрх олгох Ерөнхий сайдын захирамжийн төслийг холбогдох байнгын хороод зөвшилцөн дэмжсэнээр талууд гарын үсэг зураад байгаа юм байна.

Сангийн сайд Б.Жавхлан

“Азийн хөгжлийн банктай байгуулах санхүүжилтийн ерөнхий хөтөлбөр нь олон улсын гэрээ бөгөөд УИХ-аар зайлшгүй соёрхон батлах шаардлагатай тул ийнхүү хуулийн төслийг боловсруулж оруулж ирж байна. Тус хөтөлбөрийг УИХ-аар соёрхон батлуулснаар хөтөлбөрийн эх үүсвэрийг заавал авч ашиглах үүрэг хүлээхгүй бөгөөд энэ нь зээлийн гэрээ биш юм. Харин хөтөлбөрийг Улсын Их Хурлаар соёрхон баталсан тохиолдолд Азийн хөгжлийн банктай хамтран хэрэгжүүлэх төсөл, хөтөлбөрийг зээлийн гэрээ, хэлэлцээрийг байгуулж ажиллах боломжтой болно” гэж онцолж байна.

Санхүүжилтийн хөтөлбөрт:

1. Төсвийн дэмжлэг хэлбэрээр гадаад валютын албан нөөцийг нэмэгдүүлэх зорилгоор 200 орчим сая ам.долларыг төсөвлөжээ. Үүнд:

Уур амьсгалын өөрчлөлтийн эсрэг бодлогын арга хэмжээг дэмжих төсвийн дэмжлэгийн зээлийн хөтөлбөрийн хүрээнд 100 сая ам.доллар
Төсөв, санхүү, эдийн засгийг бэхжүүлэх төсвийн дэмжлэгийн зээлийн хөтөлбөрийн хүрээнд 100 сая ам.доллар
2. Шинэ сэргэлтийн бодлого болон “Алсын хараа 2050” урт хугацааны хөгжлийн бодлогыг хэрэгжүүлэх зорилгоор 400 орчим сая ам.доллар

Хилийн үр бүтээмжийг сайжруулж, тогтвортой худалдааг дэмжих төслийн хүрээнд 100 сая ам.доллар
Бүс нутгийн авто замыг хөгжүүлэх, засвар арчлалын төслийн III шатны санхүүжилтийн хүрээнд 150 сая ам.доллар орчим
Эрдэнэбүрэн-Мянгад-Улиастай цахилгаан дамжуулах агаарын шугамын төслүүд багтаж байна.
3. Хүнсний хангамж, аюулгүй байдлыг хангах арга хэмжээг хэрэгжүүлэхэд 50-55 сая ам.долларын хүрээнд Хөдөө аж ахуй, хөдөөгийн хөгжил төслийн II үе шат багтжээ.

4. Одоо хэрэгжиж буй төслийн нэмэлт санхүүжилт хэлбэрээр 10-15 сая ам.долларыг буюу эдийн засгийн хүндрэлийн үед боловсролын чанарыг сайжруулахад зарцуулахаар төлөвлөсөн байна.



Нийтэлсэн огноо2023-06-08