Пакистан Улсаас Монгол Улсад суугаа Өргөмжит Консул, Пакистаны “Colours of Pakistan” www.coloursofpakistan.org байгууллага хамтран Пакистан Улсын ЭСЯ, Пакистан дахь Дэлхийн Банкны суурин төлөөлөгчийн газрын тэргүүн А.Болормаа болон тус улсын Сенатор Мушахид Хуссейн нарын дэмжлэгтэй 2026 оны 3 сарын 30-наас 4 сарын 05-нд Пакистан улсад  бизнес болон өв соёлын хөтөлбөрт  оролцох төлөөлөгчдийг бүртгэл 2 сарын 16-нд дуусна.
Хөтөлбөрийн хүрээнд оролцогчид “Пакистан-Монголын B2B бизнес чуулган” зэрэг бизнес арга хэмжээнүүдээс гадна Нимава ёсон буюу улааны шашны урсгалын үндэс суурь болох Гандхара шашны өв уламжлалт газруудад зочлоно.
Холбогдох асуудлаар contact@mongolianbusinessdatabase.com 99066062 дугаарын утсанд хандана уу
Бүртгэл 2 сарын 16-ны Даваа гаригт дуусна 
Бизнес: Пакистан Улс нь 250 гаруй сая хүн амтай тэдгээрээс 80 сая гаруй нь дундаж, түүнээс дээш хэрэглээний түвшингийн буюу “ямар ч төрлийн бүтээгдэхүүн” худалдан авах чадвартай бүлэг байдаг. Дэлхийд алдартай Монголчуудын танил басмати будаа болон ягаан давс энэ улсаас үүдэлтэй бөгөөд дэлхийн хамгийн том Кхвера давсны уурхайн эх орон нь юм. Пакистан нь мөн оёмол бүтээгдэхүүн, хивс, барилгын болон бусад эдлэлийн чулуун хийц, самар жимс, сүү сүүн бүтээгдэхүүн, арьс боловсруулах технологи, эм эмийн бүтээгдэхүүн, эмчилгээний багаж хэрэгслэл зэрэг нэр төрлийн бүтээгдэхүүний үйлдвэрлэлээрээ алдартай байдаг. 
Өв соёл: Пакистан хэдийгээр дэлхийн 2 дахь хамгийн том муслим шашинтай улс боловч Монголчуудын хэлж заншсанаар Немава буюу Буддын улааны шашны урсгалын эх үндэс болсон Гандхара шашин энэ улсын газар нутагт бүрэлдэн тогтсон байдаг бөгөөд үүнд тус улс хүндэтгэлтэй хандаж жил бүр олон улсын эрдэм шинжилгээний хурал зөвлөгөөн зохион байгуулж, үүнтэй холбоотой аялал жуулчлалыг хөгжүүлж ирсэн. Монгол улсад их тарнич Ловон Бадамжунай YIII зуунд бясалгал хийх аргаар улааны урсгалыг үндэслэсэн. Тэрбээр Энэтхэгээс Төвдөд шашин дэлгэрүүлсэн бөгөөд улаан хувцас өмсдөг байсан учраас улааны шашинтан гэж нэрлэгджээ. 
Монголд Немава урсгалын дээд бясалгалыг таван хүн хийснээс YIII Богд Жибзундамба, ноён хутагт Данзанравжаа хоёр давж чадсан байна. Бусад гурав нь бясалгалаа даалгүй нас барсан бөгөөд шарил нь одоогийн Хамарын хийдийн 108 агуйны шаваастай гурван агуйд бий хэмээн тайлбарладаг.

Нийтэлсэн огноо2026-02-12