Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
СЯ: Боловсруулаагүй коксжих нүүрсний I сарын экспортын жишиг үнэ 106.87 ам.доллар www.bloombergtv.mn
Нэгдүгээр сард экспортод гаргах эрдэс бүтээгдэхүүний жишиг үнийг Сангийн яам танилцууллаа. Тухайлбал, нэг тонн цайрын үнийг Лондоны Металлын биржийн 12 дугаар сарын дундаж үнээр тооцож, 2273.41 ам.доллар гэж тогтоожээ. Харин нэгдүгээр сард нийлүүлэлтэд гарах нэг тонн цэвэр зэсийн үнэ 6062 ам.доллар гэж Сангийн яам тооцоолсон байна.
“Goldman Sachs”, “Morgan Stanley”, “Standard Chartered”-ийн шинжээчид зэсийн ханшийн 2020 оны төлөвийг өөдрөгөөр харж байгаа юм. Гол хэрэглэгч БНХАУ-ын эрэлт энэ онд 2.6 хувиар өснө гэж “Citigroup” тооцоолжээ. Мөн АНУ, БНХАУ-ын худалдааны хэлцэл нааштай байгаа нь зэсийн эрэлт нэмэгдэх дохио гэж харж байна.
Нэгдүгээр сард нийлүүлэлтэд гарах нэг тонн жоншны баяжмалын үнэ 406-415 ам.доллар, хайлуур жоншны хүдэр 264-324 ам.доллар байхаар Сангийн яам тооцооллоо. Монгол Улс жоншны экспортоор БНХАУ, Мексикийн дараа дэлхийд гуравдугаарт ордог. Цаашдаа эрэлт нэмэгдэж, түүнийг дагаад үнэ өсөх төлөвтэй гэж жонш экспортлогч "Баялаг жонш" компани мэдээлж байв.
Харин 60 хувийн агууламжтай төмрийн хүдрийн үнийг 78.98 ам.доллар гэж Сангийн яам тооцоолсон байна. Төмрийн хүдрийн үнэ 2020 онд буурах төлөвтэй гэж “Bloomberg Intelligence” таамаглажээ. Энэ онд Бразил, Австралийн нийлүүлэлт нэмэгдэнэ. Мөн БНХАУ-ын эдийн засгийн өсөлтийн эрч саарч байгааг дагаад гангийн эрэлт буурах төлөвтэй байгаа нь төмрийн хүдрийн хэрэглээ багасах дохио гэж шинжээчид үзэж байна.
Боловсруулаагүй нэг тонн коксжих нүүрсний үнийг 106.87 ам.доллар, сул коксжих нүүрс 76.95 ам.доллар, хүрэн нүүрсний үнийг 29.81 ам.доллар гэж тооцоолжээ.
Харин боловсруулсан коксжих нүүрсний үнийг 114.55 ам.доллароор тооцож байгаа талаар Сангийн яам мэдээллээ. 2020 онд коксжих нүүрсний нийлүүлэлт өсөх төлөвтэй байгаа юм. Тухайлбал: Австралийн томоохон ордуудын олборлолт нэмэгдэж, 2020-2022 онд экспорт 15 сая тонноор нэмэгдэх тооцоог “Bloomberg Intelligence” гаргажээ. Мөн Монголын коксжих нүүрсний экспорт 2020 онд 39 сая тонн, 2021 онд 44 сая тоннд хүрэх боломжтой гэсэн таамгийг “Bloomberg Intelligence”-ийн шинжээчид дэвшүүлээд байгаа юм.
Нийтэлсэн огноо2020-01-13
