Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
2019 онд эрдэс бүтээгдэхүүний экспорт 5.1 хувиар өссөн ч зэсийн баяжмалын экспорт буурчээ www.bloombergtv.mn
2019 онд эрдэс бүтээгдэхүүний экспорт 5.1 хувиар өссөн ч экспортын гол бүтээгдэхүүн болох зэсийн баяжмалын экспорт мөнгөн дүнгээр 11 хувиар буурч, 1.79 тэрбум ам.доллар болсныг Гаалийн ерөнхий газрын мэдээллээс харж болохоор байна. Биет хэмжээгээрээ 2018 оныхоос үл ялиг буурч, 1.4 сая тонн болжээ.
Гол экспортлогч “Оюу Толгой” ХХК-ийн зэс, алтны дундаж агуулга нь 2019 онд буурсан ч оны эхний гурван улиралд орлого нь 944.6 сая ам.доллар болж, 2018 оныхтой харьцуулахад 13.3 хувиар өссөн талаар “Turquoise Hill Resources” компани тайлагнаж байлаа.
2019 онд цайрын экспорт 134.7 мянган тонн болж өмнөх жилийнхээс есөн хувиар нэмэгдсэн боловч мөнгөн дүнгээр тооцвол дөрвөн хувиар буурч, 189 сая ам.доллар болсон талаар Гаалийн ерөнхий газрын мэдээлэлд дурджээ.
Одоогоор Монголын “Цайрт минерал” ХХК болон БНХАУ-ын хөрөнгө оруулалттай “Шин Шин” компаниуд цайр экспортолж байна. 2019 оны I улиралд цайрын үнэ өссөн ч түүнээс хойш ерөнхийдөө буурах хандлага давамгайлсаар дөрөвдүгээр сарын оргил үетэйгээ харьцуулахад өнөөдрийн байдлаар 18 хувиар буураад байна. Энэ нь цайрын экспортын орлого буурахад нөлөөлжээ.
Харин төмрийн хүдрийн экспорт 2019 онд биет хэмжээгээрээ 13 хувиар өсөж, 8.4 сая тонн болсон байна. Мөнгөн дүнгээр тооцвол 68 хувиар нэмэгдэж, 576.5 сая ам.долларын экспортын орлогыг төмрийн хүдрийн салбараас олсныг Гаалийн ерөнхий газрын мэдээллээс харж болохоор байгаа юм.
Нийтэлсэн огноо2020-01-14
