Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Хайгуулын лицензийн тоо 2019 онд 20 хувиар буурчээ www.bloombergtv.mn
Улсын хэмжээнд хүчин төгөлдөр тусгай зөвшөөрлийн тоо 2019 онд өмнөх оныхоос есөн хувиар буурч, 2796 болсон байна. Энэ дунд ашиглалтын лиценз ердөө гурваар цөөрсөн бол хайгуулын тусгай зөвшөөрлийн тоо 20 хувиар буурч, 1126 болсон талаар Ашигт малтмал, Газрын тосны газар мэдээллээ.
Мөн нийт нутаг дэвсгэрийн 3.8 хувьд хайгуулын лиценз хүчин төгөлдөр байна. Засгийн газар нэг жилийн хугацаанд хайгуулын лиценз шинээр олгохгүй байх шийдвэр гаргасныг салбарынхан ихээхэн шүүмжлэлтэйгээр хүлээж авч байгаа юм. Ашиглалтын лицензүүдийн 31.8 хувь нь алтных, 17.8 хувь нь нүүрс, 11.2 хувь нь жоншных, 4.6 хувь нь шохойн чулууных байгаа ажээ. Монгол Улс жоншны нийлүүлэлтээр дэлхийд БНХАУ, Мексикийн дараа гуравдугаарт ордог, томоохон ханган нийлүүлэгч орон юм.
Үүний зэрэгцээ жоншны төслүүд ч нэмэгдэж байна. Эрдэс баялгийн мэргэжлийн зөвлөл 2019-2020 онд шинээр ашиглалтад орох уурхай, уулын үйлдвэрийн 53 төслийн ТЭЗҮ-ийг хүлээж авсан бөгөөд үүний 22.6 хувь буюу 12 нь жоншных байна. Харин эзэмшигчдийнх нь бүтцийг харвал нийт тусгай зөвшөөрөл эзэмшигчдийн 14.5 хувь нь гадаадын 100 хувийн хөрөнгө оруулалттай, зургаан хувь нь Монгол, гадаадын хамтарсан хөрөнгө оруулалттай компаниуд байна. 100 хувь гадаадын хөрөнгө оруулалттай компаниуд дунд БНХАУ, Виржиний арлууд, Хонгконг, Сингапур тэргүүлж байгаа юм.
Хамгийн олон тусгай зөвшөөрөл эзэмшигчээр “Монголросцветмет”, “Монголын алт корпораци”, “Гацуурт” тэргүүлжээ. Хамгийн олон лиценз эзэмшиж байгаа 10 компанийн хоёр нь гадаадын 100 хувь хөрөнгө оруулалттай компаниуд болох “Цайна инвэстмент Монголиа”, “Моэнко” компани байна.
Хонгконгийн Хөрөнгийн биржид бүртгэлтэй, Сингапурын 100 хувь хөрөнгө оруулалттай “Моэнко” компанийн хувьд Хөшөөтийн ордоос нүүрс экспортолдог. 2019 онд 1.2 сая тонн нүүрс гаргасан бол “Монголын алт корпораци” 2019 онд найман сая тонн нүүрс экспортлохоор төлөвлөж байсан ч хоёр дахин бага буюу дөрвөн сая тонн нүүрс гаргажээ.
Нийтэлсэн огноо2020-01-28
