Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Шинээр бүртгүүлсэн ажилгүй иргэдийн тоо I сард өмнөх оны мөн үеэс 10.5 хувиар нэмэгджээ www.bloombergtv.mn
Улсын хэмжээнд бүртгэлтэй ажилгүй иргэдийн тоо нэгдүгээр сард 20 мянга 612 болж, өмнөх оны мөн үеэс 15.5 хувиар буурчээ. Хэдий тийм боловч шинээр бүртгүүлсэн ажилгүй иргэд 10.5 хувиар нэмэгдсэн байна.
Түүнчлэн шинээр бүртгүүлсэн ажилгүй иргэдийн дийлэнхийг буюу 55.4 хувийг ажлаас чөлөөлөгдсөн, халагдсан хүмүүс бүрдүүлжээ. Одоогоор барилга, уул уурхай зэрэг улирлын чанартай салбарын идэвх сул байгаа аж.
Мөн ажилгүй иргэдийн тоо нэмэгдсэн энэ хугацаанд буюу өнгөрсөн оны 12 дугаар сард Засгийн газар хайгуулын лицензийг нэг жилийн хугацаанд олгохгүй байхаар шийдвэрлэсэн юм. Улмаар геологи, хайгуулын салбарт ажилгүйдлийн тоо нэмэгдэх хандлагатай байгааг Монголын үйлдвэрлэлийн геологичдын холбооны тэргүүн “Bloomberg”-т өгсөн ярилцлагадаа онцолж байсан юм.
Монголын үйлдвэрлэлийн геологичдын холбооны Ерөнхийлөгч М.Очирбат
2019 оны IV улирлын байдлаар уул уурхай, олборлолтын салбарт хөдөлмөр эрхлэгчдийн тоо нийт ажиллах хүчний 4.5 хувийг бүрдүүлсэн байна. Ажиллагсдын дийлэнх нь буюу 26 хувь нь хөдөө аж ахуйн салбарт ажилладгийг статистикаас харж болохоор байгаа юм. Дотоодын нийт бүтээгдэхүүний салбарын бүтцийг авч үзвэл 2019 онд уул уурхай, олборлолтын салбар 23.8 хувийг бүрдүүлсэн бол хөдөө аж ахуйн салбар 11 хувийг эзэлжээ.
Нөгөөтэйгөөр нэгдүгээр сард 34 мянга орчим иргэн БНСУ руу агаарын тээврээр зорчсон нь өмнөх оны мөн үеэс 25 хувиар өссөн үзүүлэлт боллоо. Түүнчлэн шинэ төрлийн “коронавирус”-ийн халдварын улмаас жижиглэнгийн худалдаа, үйлчилгээний салбарт хүндрэл учирч байгааг Монголын Үндэсний Худалдаа Аж Үйлдвэрийн Танхим мэдээллээ. Ялангуяа "Алдагдсан ажлын байрыг эргэн сэргээх нь хүндрэлтэй" гэж Монголын Үндэсний Худалдаа Аж Үйлдвэрийн Танхим Ерөнхийлөгч О.Амартүвшин онцолсон юм.
Нийтэлсэн огноо2020-02-19
