Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Улсын нэгдсэн төсөв I сард 67.2 тэрбум төгрөгийн ашигтай гарлаа www.bloombergtv.mn
2019 онд алдагдалтай гарч байсан улсын нэгдсэн төсөв энэ оны нэгдүгээр сард 67.2 тэрбум төгрөгийн ашигтай гарсан байна. Төсөв хэдий ашигтай гарсан ч ашгийн хэмжээ нь өмнөх оноосоо буурсан байгаа юм.
Орон нутгийн төсөв, Хүний хөгжил сангийн төсөв болон Нийгмийн даатгалын сангийн төсвийг хасаад Засгийн газрын зарцуулах төсөв 40 гаруй тэрбум төгрөгийн алдагдалтай гарчээ. Улсын нэгдсэн төсвийн нийт орлого, тусламжийн хэмжээ 767.7 тэрбум төгрөг, нийт зарлага, эргэн төлөгдөх цэвэр зээлийн нийт хэмжээ 641.3 тэрбум төгрөг байсан байна.
Төсвийн орлого, зарлагаас давахад татварын орлого өссөн нь нөлөөлсөн байна. Хэдий тийм боловч төсвийн зарлага нэмэгдсэн нь төсвийн тэнцлийн ашгийг бууруулжээ. Татварын нийт орлого 656.4 тэрбум төгрөг болж, өмнөх оны мөн үеэс 4.8 хувиар өссөн байна.
Үүнд нэмэгдсэн өртгийн албан татварын орлого өмнөх оны нэгдүгээр сараас 63.9 хувиар, хөрөнгийн албан татварын орлого 4.1 дахин нэмэгдсэн нь голлон нөлөөлжээ. 2020 онд Засгийн газар төсвийн алдагдлыг хоёр их наяд төгрөг буюу дотоодын нийт бүтээгдэхүүний 5.1 хувь байхаар батлаад байгаа юм. Үүний дараа төсвийн шинэ эрсдэл бий болсон байна.
Шинэ төрлийн “коронавирус”-ийн тархалттай холбоотойгоор Засгийн газрын шийдвэрийн дагуу хоёрдугаар сарын 11-нээс гуравдугаар сарын хоёрны өдөр хүртэл буюу ойролцоогоор гурван долоо хоногийн хугацаанд Гашуунсухайт, Шивээхүрэн, Бичигт, Булган боомтын нүүрсний экспорт бүрэн зогсоод байна.
Өнгөрсөн оны хоёрдугаар сард Монгол Улс 1.9 сая тонн нүүрс экспортолж, 163.4 сая ам.долларын экспортын орлого олж байжээ. Мөн Монгол Улс, БНХАУ-ын Сар шинийн баярын амралтын өдрүүд хоёрдугаар сард тохиож байсан юм. Ийнхүү өмнөх жилийнхтэй адилтган тооцвол Засгийн газрын хоригийн улмаас Монгол Улс нүүрсний экспортоос олох 163.4 сая ам.долларын орлогоо алдах тооцоо гарч байна.
Нийтэлсэн огноо2020-02-19
