Мэдээ мэдээлэл

Англи амин дэм Монгол улсад албан ёсоор бүртгэгдлээ.

COVID-19 халдвараас сэргийлэх хүрээнд эрүүл мэндийн салбарт 37.6 тэрбум төгрөг зарцуулжээ www.ikon.mn

Шинэ коронавирусийн халдвараас урьдчилан сэргийлэх ажлыг нэгдүгээр сарын 30-наас эхлүүлснээс хойш Монгол Улсын эрүүл мэндийн салбарт нийт 37.6 тэрбум төгрөг зарцуулаад байгаа талаар Засгийн газраас Баасан гарагт танилцуулав. Үүнээс 17 тэрбум төгрөгийг Засгийн газраас гаргасан бол 20.6 тэрбум төгрөгийг гадаадын хөнгөлөлттэй зээл, тусламжаар шийдэж байгаа аж. 

Засгийн газраас эрүүл мэндийн салбарт нэмж олгосон 17 тэрбум төгрөгөөс

Эмнэлгийн тоног төхөөрөмж, эм, хамгаалах хэрэгсэлд - 9 тэрбум төгрөг

Халдваргүйжүүлэлт, ариутгал, бусад зардалд 6.5 тэрбум төгрөг

Нэмэлт цалин хөлс, томилолтод - 1.5 тэрбум төгрөг зарцуулжээ. 

Гадаадын зээл тусламжийн тухайд нэн шаардлагатай 20.6 тэрбум төгрөгийн санхүүжилтээр дараах тоног төхөөрөмжүүдийг шийдсэн байна. Үүнд:

Азийн хөгжлийн банкны 4.2 тэрбум төгрөгөөр 570 ширхэг тоног төхөөрөмж

Дэлхийн банкны 6 тэрбум төгрөгөөр 68 ширхэг

БНСУ-аас 4.5 тэрбум төгрөгөөр 16 тоног төхөөрөмжийг тус тус авжээ. 

Мөн олон улсын бусад байгууллагын 6 тэрбум төгрөгөөр техник туслалцаа, 8,800 оношлуур, 12 нэр төрлийн 118,000 хувийн хамгаалах хэрэгсэл авсан байна. 

Цаашид нэмэлтээр 

АХБ-ны зээл 81.9 тэрбум 

АХБ-ны тусламж 2.7 тэрбум 

Дэлхийн банкны зээл 74.4 тэрбум төгрөг буюу

нэмэлтээр нийт 159 тэрбум төгрөгийн эх үүсвэрийг шийдээд байгааг Сангийн сайд Ч.Хүрэлбаатар танилцуулав. 

Нийтэлсэн огноо2020-03-30

Категори

Үйл явдал

COVID-19 халдвараас сэргийлэх хүрээнд эрүүл мэндийн салбарт 37.6 тэрбум төгрөг зарцуулжээ www.ikon.mn

Үйл Явдал

Мэдээ

Facebook