Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Засгийн газар Азийн хөгжлийн банкнаас 300 хүртэлх сая ам.долларын зээл авахаар төлөвлөж байна www.bloombergtv.mn
2019 оны байдлаар Монгол Улсын Засгийн газрын өр өнөөгийн үнэ цэнээр дотоодын нийт бүтээгдэхүүний 57 хувьтай тэнцэж байна. Энэ үзүүлэлт өмнөх оноосоо хоёр орчим пунктээр буурчээ. Хэдий тийм боловч гадаад өрийн хэмжээ үнийн дүнгээрээ 7.7 тэрбум ам.доллар буюу долоон хувиар өссөн хөдөлгөөнтэй байгаа юм.
2019 онд томоохон бондын эргэн төлөлт хийгээгүй. Харин 2021 оноос эхлээд дөрвөн жилийн хугацаанд 2.9 тэрбум ам.долларын гадаад бондын төлбөр төлнө. Үүнээс гадна энэ зун БНХАУ-ын Ардын банктай хийсэн своп хэлцлийн хугацаа дуусна. Хоёр тэрбум орчим ам.долларыг нэг дор төлөхгүй учраас сунгах шаардлага үүсээд байгаа аж. Энэ талаар яриа хэлэлцээ өрнөж байна. Үүний зэрэгцээ “COVID-19”-ийн тархалтын нөлөөнөөс эдийн засаг, ажлын байрыг хамгаалах 5.1 их наяд төгрөгийн Засгийн газрын төлөвлөгөөг УИХ хэлэлцэж байна. Төсвийн орлого дутах нь бараг тодорхой болсон үед өндөр хэмжээгээр нэмэгдэж байгаа төсвийн зардлыг хэрхэн санхүүжүүлэх нь гол асуудал юм.
Сангийн сайдын өмнө нь мэдээлж байснаар Засгийн газар донор байгууллагуудаас зээл авах, бонд босгох зэрэг хувилбаруудыг ярьж байна. "1.3 тэрбум ам.долларын санхүүжилтийн эх үүсвэрийг баталгаажуулах чиглэлээр гэрээ хийж байна. Одоогоор 700 сая ам.долларын санхүүжилтийн эх үүсвэрийг баталгаажуулсан. Үлдсэн 580 сая ам.долларын гэрээ хэлцлийг үргэлжлүүлнэ" гэж Сангийн сайд мэдээлж байсан юм. Энэ хүрээнд мягмар гарагт байнгын хорооны хуралдаанаар Монгол Улс, Азийн хөгжлийн банк хоорондын “Шуурхай хариу арга хэмжээ авах санхүүжилтийн ерөнхий хөтөлбөр”-ийн төслийг зөвшилцсөн байна. Хөтөлбөрийн дагуу Засгийн газар Азийн хөгжлийн банкнаас 300 хүртэлх сая ам.долларын зээл авахаар төлөвлөжээ.
Нийтэлсэн огноо2020-04-08
