• Хувийн хэвшилд ажиллаж байгаа иргэдийг ХХОАТ-аас зургаан сарын хугацаатай чөлөөлөхөөр болсон. Өнөөдрийн байдлаар 318,388 иргэнийг татвараас чөлөөлөөд байна.
• Ипотекийн зээлийн эргэн төлөлтийг зургаан сараар хойшлуулах шийдвэрийн хүрээнд 20,391 иргэний 150 тэрбум төгрөгийн зээлийн хугацааг хойшлуулсан байна.
• Хүндрэлд орсон иргэдийн хэрэглээний зээлийг хойшлуулахаар болсон. Энэ хүрээнд арилжааны банкууд 33,476 иргэний 320.4 тэрбум төгрөгийн зээлийг хойшлуулсан. ББСБ-ууд 75,250 иргэний 94.4 тэрбум төгрөгийн зээлийн эргэн төлөлтийг хойшлуулсан байна.
• Зорилтот бүлэгт чиглэсэн ажлын хүрээнд халамжийн сангаас тэтгэвэр авдаг 64,206 иргэний тэтгэврийг 100,000 төгрөгөөр нэмэгдүүлж 288,000 болгож олгож байгаа. Үүнд 18.2 тэрбум төгрөг зарцуулна.
• 241,937 иргэнд таван сарын турш хүнсний талоны дүн буюу хүнсний тусламжийг хоёр дахин нэмэгдүүлэн олгох ажлыг эхлүүлсэн.
• Хүүхдийн мөнгийг 100,000 төгрөг болгож олгохоор болсон. Нийтдээ 1,144,630 хүүхдэд дөрөв, тавдугаар сарын хүүхдийн мөнгийг нэмэгдсэн дүнгээр олгоод байна. Энэ ажил аравдугаар сарын 1-н хүртэл үргэлжилнэ.
• Малчдын орлогыг нэмэгдүүлэх зорилготойгоор ноолуурын нэг кг тутамд 20,000 төгрөгийн урамшуулах олгох юм. Үүнд 203,441 малчин хамрагдаж, нийтдээ 200 тэрбум төгрөг зарцуулагдана. Ойрын хэдэн өдрийн хугацаанд энэ урамшууллыг олгоно.
• Жилийн 1.5 тэрбум хүртэлх орлоготой ААН-үүдийг орлогын албан татвараас зургаан сарын хугацаатай чөлөөлж байгаа. Хууль батлагдсанаас хойш нэг сарын хугацаанд 104,145 ААН орлогын албан татвараа чөлөөлүүлсэн.
• НДШ-ээс чөлөөлөх арга хэмжээнд 37,362 ААН-ийн 390,715 ажилтан/даатгуулагч/, 122,587 сайн дурын даатгуулагч хамрагдлаа. Нийт ААН-үүдийн 94.3 хувь, сайн дураар даатгуулагчдын 99.9 хувь нь хамрагдаж 86.3 тэрбум төгрөг иргэд, ААН-үүдэд үлдлээ.
• Түрээсийн төлбөрөө бууруулсан ААН-үүдийн түрээсийн орлогод ногдуулах татварыг чөлөөлсөн. Одоогоор 30 гаруй томоохон зах худалдааны төвүүд түрээсээ 10-50 хувиар бууруулсан байна.

Нийтэлсэн огноо2020-05-26