Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
АХБ: Монгол улсын эдийн засаг 2020 онд 2.6 хувиар агших ч 2021 онд 5.1 хувиар сэргэх төлөвтэй www.bloombergtv.mn
“COVID-19”-ийн нөлөөгөөр Монгол Улсын эдийн засгийн агшилт 2020 онд гүнзгийрэх боловч 2021 онд алгуур сэргэх төлөвтэй гэж Азийн хөгжлийн банк шинэ тайландаа дурджээ. 2020 онд Монгол Улсын эдийн засаг 2.6 хувиар агших төлөвтэй гэж таамагласан байна.
Өнгөрсөн зургаадугаар сард 1.9 хувиар агшина гэж байсантай нь харьцуулахад уналт илүү гүнзгийрнэ гэж үзжээ. Харин 2021 онд 5.1 хувиар өсөж, алгуур сэргэнэ гэж тооцоолсон байна. Хэдий тийм боловч эрсдэлүүд байгаа аж. Үүнд: цар тахлыг хязгаарлаж, хяналтад оруулахад илүү их хугацаа шаардагдах дэлхийн болон бүс нутгийн эдийн засаг сэргэх хугацаа хойшлогдох, дотоодод ажилгүйдэл нэмэгдэх, гадаад, дотоод санхүүжилт тогтворгүй болох, макро эдийн засгийн бодлого харилцан уялдаагүй байвал төлбөрийн тэнцэлд нэмэлт дарамт учруулах зэргийг багтаажээ.
Оны эхний хагас жилд Монгол Улсын эдийн засаг 9.7 хувиар агшсан бөгөөд үүнд уул уурхай, үйлчилгээний салбарын агшилт хамгийн их жин дарж нөлөөлжээ. Оны эхний найман сарын байдлаар экспорт өмнөх оны мөн үеэс 17 хувиар буурсан юм. Эдийн засгийн идэвхжил буурч, дотоод эрэлт бага байхтай уялдаад инфляцын төсөөллөө ч бууруулаад байна. Хэдий тийм боловч БНХАУ-ын эдийн засагт сэргэлтийн шинж тэмдгүүд ажиглагдаж эхэлснийг Азийн хөгжлийн банк онцоллоо. Үүнийг дагаад зэс, алтны үнэ өсөж, оны хоёрдугаар хагаст Монгол Улсын уул уурхайн экспорт сайжирна гэж тооцоолжээ.
Төсвийн бодлогын орон зай хязгаарлагдмал, төлбөрийн тэнцэл, төгрөгийн ханшид учирч буй дарамт нь мөнгөний бодлогын төлөвийг сулруулах боломжийг хязгаарлаж болзошгүйг Азийн хөгжлийн банк анхааруулсан байна. Монголбанк даваа гарагт бодлогын хүүгээ нэг нэгж хувиар бууруулж, найман хувь болгох шийдвэр гаргасан юм.
Нийтэлсэн огноо2020-09-15
