Хоёр хүн эдгэрч,дараагийн шатны хяналтад шилжжээ www.bloombergtv.mn
Есдүгээр сарын 30-ны өдөр ХӨСҮТ-ийн вирус судлалын лаборатори, Дархан-Уул аймгийн вирус судлалын лабораторид нийт 753 хүний сорьцод шинжилгээ хийхэд “COVID-19” илрээгүйг Эрүүл мэндийн яам мэдээллээ. Харин хоёр хүн эдгэрч дараагийн шатны ажиглалтад шилжсэн байна.
Өнөөдрийн байдлаар Монгол Улсад "COVID-19”-ийн халдварын батлагдсан 313 тохиолдлоос 307 нь эдгэрээд байна. Эдгэрсэн 307 хүнээс арав нь сувиллын хяналтад, гурав нь гэрийн ажиглалтад тусгаарлагдаж байгаа бол 294 хүний ажиглалт, тандалтын хугацаа дуусжээ.
ХӨСҮТ-д эмчлэгдэж байгаа зургаан хүнээс дөрвөн хүний биеийн байдал хөнгөн, хоёр хүн нь хүндэвтэр байгаа ажээ.
Үүнээс гадна Дэлхийн Эрүүл Мэндийн Байгууллагаас хандивласан Бразил улсад үйлдвэрлэсэн томууны эсрэг 300 мянган хүн тун вакциныг Монгол Улс хүлээн авсан байна. Аравдугаар сарын нэгний өдрөөс “Томуугаас сэргийлье” дархлаажуулалтын арга хэмжээ эхэлж байгаа юм.
Нийтэлсэн огноо2020-10-01