Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Улсын хэмжээнд 30 гаруй гэр бүлийн 80 гаруй хүн халдвар авсан www.eagle.mn
"Улсын хэмжээнд 30 гаруй гэр бүлийн 80 гаруй хүн халдвар авсан. Халдвартай хүний гэр бүлийнхэн, төрсөн өдөрт очсон, караокед орсон хүмүүс олноор халдвар авлаа. Энэ хүмүүс амны хаалт зүүгээгүй, зай бариагүй. Тиймээс амны хаалтгүй бол халдварын эрсдэл маш өндөр юм. Иргэд амны хаалт зүүх, 1.5 метрийн зай барих, давс содын уусмалаар хоолойгоо зайлах гэх мэтээр халдвар хамгааллын дэглэмийг маш сайн сахих хэрэгтэй байна" гэж ХӨСҮТ-ийн Тандалт, судалгааны албаны дарга А.Амбасэлмаа зөвлөв.
Мөн ЭМЯ-ны хэлтсийн дарга Д.Нарангэрэл "24 цагийн хугацаанд шинээр долоон өвчлөл бүртгэгдэж, нийт халдварын тохиолдол 791 боллоо. Энэ нь өнгөрсөн 24 цагийн хугацаатай харьцуулбал 17 тохиолдлоор буурсан таатай үзүүлэлт мэдээтэй байна. Улаанбаатар хот болон нийт есөн газар каластер өвчлөл бүртгэгдсэн байгаа. Өвчлөлийнхөө голомтод хавьтлуудаа тусгаарлах, шинжлэх арга хэмжээнүүдийг авч байна. Улсын хэмжээнд есөн голомтонд 408 хүн өвчилсөн. Өвчилсөн хүмүүсийн ойрын хавьтал болох 4142 хүнийг хяналтад авч, тандалт судалгаа хийж байна.
Нийслэлд өвчлөл бүртгэгдэж байгаатай холбогдуулан Зоонозын өвчин судлалын үндэсний төвийн хариу арга хэмжээний хоёр баг нийслэлд ажиллаж, 160 мкв талбайг ариутгал халваргүйтгэл хийсэн.
Улсын хэмжээнд оношилгооны цэгээр 167135 хүн шинжилгээ хийлгэснээс 118986 хүний шинжилгээ сөрөг, бусад хүмүүсийн шинжилгээ үргэлжлэн хийгдэж байна.
Мөн Зоонозын өвчин судлалын үндэсний төвийн хоёр баг Архангай аймгийн Батцэнгэл сум, Өмнөговь аймгийн Гашуунсухайтад ажиллаж байгаа. Энэ баг нийт 462 хүнд коронавирус илрүүлэх шинжилгээ хийснээс коронавирус илрээгүй байна.
Тусгай дугаарын гурван утсанд 24 цагийн 6451 хүн хандаж зөвлөгөө мэдээлэл авсан. Мөн ЭМЯ-ны 323002 утсанд 381 иргэн хандаж, эмнэлгийн тусламж үйлчилгээ болон коронавируст халдварын талаар зөвлөмж мэдээлэл авсан" гэв.
Нийтэлсэн огноо2020-11-30
