Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
2021 оны мөн үеэс нүүрсний экспорт зургаа дахин буурсан ч олсон орлого нь 50% бага байна www.ikon.mn
Эрээн хотын Цар тахлаас урьдчилан сэргийлэх, тэмцэх штабаас 2022 оны тавдугаар сарын 20-ны өдрөөс эхэлж, задгай вагоноор эрчим хүчний нүүрс импортлохыг зөвшөөрсөн мэдэгдэл гаргасан. Тухайн өдрөөс эхлэн Замын-Үүд-Эрээн төмөр замын боомтоор задгай вагоноор эрчим хүчний нүүрс, тонны савлагаатай үр тарианы импорт-экспортын тээвэрлэлтийг сэргээгээд байгаа талаар өнөөдөр Гадаад Харилцааны Яамнаас мэдээлсэн.
Энэхүү шийдвэр гарахаас өмнө буюу тавдугаар сарын 19-ний байдлаар Гаалийн Ерөнхий Газраас гаргасан статистикаар Монгол Улс оны эхнээс эхлээд 4.8 сая тонн нүүр экспортолжээ. Эхний дөрвөн сарын тоон мэдээллээр нийт гаргасан нүүрс 3.8 сая тонн байсан бол тавдугаар сар гарснаас хойших 19 хоногийн хугацаанд нэг сая тонн нүүрс экспортолсон байна.
Хил гаалийн нөхцөл байдалтай холбоотойгоор ийнхүү эхний дөрвөн сард л гэхэд өмнөх оны мөн үеэс 48%-аар экспорт буурч, гүйцэтгэл 10 орчим хувьтай байсан бол дээрх шийдвэртэй холбоотойгоор нүүрсний экспорт өсөн нэмэгдэнэ гэсэн хүлээлттэй байна.
Монгол Улс 2022 оны Төсвийн тухай хуульд тусгаснаар 36.7 сая тонн нүүрс экспортлохоор төлөвлөсөн. Тавдугаар сарын 19-ний байдлаар 4.8 сая тонныг экспортолж 1.4 тэрбум ам.долларын орлого олжээ.
2021 оны мөн үетэй харьцуулахад нүүрсний экспорт бараг зургаа дахин буурсан ч түүхий эдийн үнийн өсөлттэй холбоотойгоор олсон орлого нь 50% бага байна. Өөрөөр хэлбэл, дэлхийн зах зээл дээрх түүхий эдийн үнэ өндөр байгаа энэ үед хилийн нөхцөл байдлаа манай улс эрт шийдэж чадсан бол 8.3 тэрбум ам.долларыг зөвхөн нүүрсний экспортоос олох боломжтой байжээ.
Нийтэлсэн огноо2022-05-24
