Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
Сүүлийн 5 жилд хоол хүнсээр дамжих халдварын 209 тохиолдол бүртгэгджээ www.eagle.mn
Манай улсад сүүлийн 5 жилийн дунджаар хоол хүнсээр дамжих халдварын 209 тохиолдол. 2024 оны эхний 9 сарын байдлаар 18 удаагийн дэгдэлт бүртгэгдсэн байна. “Хүнсний аюулгүй байдалд төрийн байгууллагын оролцоо, анхаарах асуудал” сэдэвт хэлэлцүүлгийн үеэр дээрх мэдээллийг танилцуулсан юм.
Дэлхийн улс орнууд “Олон улсын хүнсний аюулгүй байдлын сүлжээ”-д нэгдэн, хүний эрүүл мэндэд сөрөг нөлөө үзүүлэх олон улсад худалдаалагдаж буй хүнс, хүнсний түүхий эд бүтээгдэхүүн, эрсдэлтэй хоол хүнс болон хүнсээр дамжих өвчин зэрэг ноцтой мэдээллийг Олон улсын хүнсний аюулгүй байдлын сүлжээ (INFOSAN)-ээр шуурхай солилцдог. Манай улсын хувьд 2013 онд INFOSAN-д нэгдсэн боловч үйл ажиллагаа нь тогтмолжоогүй, ноцтой байдлын үед мэдээлэл солилцох байгууллагыг тодорхойлоогүй, зохицуулсан журамгүй байгаа аж.
Түүнчлэн гол нэр төрлийн 16 бүтээгдэхүүний 42 хувийг импортоор авдаг нь хүнсний бие даасан байдал алдагдах үндсэн нөхцөл болж буй. Олон улсын туршлагаас үзэхэд хүнсний 40 хувийг гаднаас авдаг бол тухайн улсын хүнсний бие даасан байдал алдагдсан гэж үнэлдэг юм. Иймээс хүнсний аюулгүй байдлын өнөөгийн байдал, хууль эрх зүйн орчин, хэрэгжүүлж буй хяналт, тандалтууд, байгууллага хооронд мэдээлэл солилцох байдал, олон улсын хүнсний аюулгүй байдлын сүлжээнд нэгдэх болон цаашид хэрэгжүүлэх арга хэмжээний талаар төрийн байгууллагуудыг оролцуулсан уулзалт зохион байгуулагдаж байна.
Дэлхийн эрүүл мэндийн байгууллагаас нян, хими болон хүнд металлаас үүдэлтэй хоол хүнсээр дамжих халдварт болон халдварт бус 200 гаруй өвчин бүртгэгдэж, жил бүр 600 сая хүн өвдсөнөөс 56 сая нь нас барсан, чанарын шаардлага хангаагүй, бохирлогдсон хоол хүнсний бүтээгдэхүүнээс шалтгаалж 33 сая хүний эрүүл мэнд хохирч байгааг мэдээлжээ.
Нийтэлсэн огноо2024-10-29
