Ой хээрийн гал түймрийн нөхцөл байдлыг Онцгой байдлын ерөнхий газраас танилцуулж байна.
УОК-ын Нарийн бичгийн дарга, хурандаа Т.Баярхүү, ОБЕГ-ын Гал түймэртэй тэмцэх газрын дарга, хурандаа Ц.Нямбаяр нар мэдээлэл өгч байна.
Сэлэнгэ аймгийн нутгийн иргэд бугын яс түүхээр ирсэн хүмүүс явсны дараа түймэр гарсан гэж мэдээлжээ. Сэлэнгэ аймгийн хүн амьдардаггүй нутгуудад гал түймэр гарсан. Тэгэхээр  тэр нутагт хүн дамжин өнгөрсөн тул түймэр гарсан гэж үзэж байна.      
Түймрийн бүсэд цаг агаарт зориудаар нөлөөлөх багийнхан очжээ. Цаг агаарын тодорхой нөхцөл бүрдсэн үед цаг агаараар зориудаар нөлөөлөх боломж бүрддэг байна.
Ой хээрийн түймэр тасрахгүй байгаа тул иргэдийн зорчих эрхийг түр хязгаарлана. Учир нь нийт түймрийн 70 хувь нь хүний буруутай үйл ажиллагаатай шууд холбоотой байдаг. Иргэд тамхи татдаг, гал асаадаг, мод бэлтгэх үедээ гал алдаж байна. ОБЕГ техник хүрэх боломжтой газруудад хүрч ажиллан, техник хүрэх боломжгүй газрууд руу албан хаагчид явган явж байна гэв. 
Сэлэнгэ аймгийн сумдад хуурайшилт ихтэй, нэг метр хүртэл урт өвс ургамал ургасан газруудад алба хаагчид хүрэх боломжгүй нөхцөл үүсжээ.

Нийтэлсэн огноо2025-05-12