2025 оны эхний хагас жилд 1 821.1 мянган зорчигч улсын хилээр орсны 37.8 хувь нь Замын-Yүд, 26.0 хувь нь Чингис хаан, 8.5 хувь нь Алтанбулаг, 8.2 хувь нь Гашуун сухайт, 5.6 хувь нь Шивээхүрэн, 13.9 хувь нь бусад боомтоор тус, тус орсон байна.
Улсын хилээр орсон зорчигчдын 1 442.5 (79.2 хувь) мянга нь Монгол Улсын иргэд, 378.6 (20.8 хувь) мянга нь гадаад улсын иргэд байгаагаас Монгол Улсын иргэд өмнөх оны мөн үетэй харьцуулахад 223.4 (18.3%) мянга, гадаад улсын иргэд 50.4 (15.4 хувь) мянгаар тус, тус нэмэгджээ.
Улсын хилээр орсон гадаадын зорчигчдын 240.4 (63.5 хувь) мянга нь эрэгтэйчүүд, 138.2 (36.5 хувь) мянга нь эмэгтэйчүүд байна.
Гадаад зорчигчдыг насны бүлгээр авч үзвэл, 219.7(58.0 хувь)мянга нь 35-59 насныхан дийлэнх хувийг эзэлж байна. Мөн зорчсон хугацаагаар нь авч үзвэл 52.7 (13.9 хувь) мянга нь 10 хүртэл хоног, 275.5 (72.8 хувь) мянга нь 30 хүртэл хоног, 4.1 (1.1 хувь) мянга нь 60-аас 90 хүртэлх хоног, 46.3 (12.2%) мянга нь 90-ээс дээш хоногоор зорчжээ.
Улсын хилээр орсон гадаадын зорчигчдыг бүс нутгаар нь авч үзвэл 62.3 хувь нь Зүүн Ази, Номхон далайн бүс нутаг, 32.0 хувь нь Европ, 2.7 хувь нь Америк, 1.6 хувь нь Ойрх Дорнод, 1.2 хувь нь Өмнөд Ази, 0.2 хувь нь Африк тивийн зорчигчид эзэлж байна.
Хилээр орсон гадаадын зорчигчдын 34.9 хувь нь БНХАУ-ын иргэд, 25.9 хувь нь ОХУ-ын иргэд, 16.0 хувь нь БНСУ-ын улсын иргэд, 3.0 хувь нь Япон улсын иргэд, 2.7 хувь нь Казахстан улсын иргэд, 17.5 хувийг бусад улсын иргэд тус, тус эзэлж байна. Улсын хилээр орсон гадаадын зорчигчид өмнөх оны мөн үеэс 15.4 хувиар өсжээ.

Нийтэлсэн огноо2025-07-22