ОУВС: Төв банкнууд зөөлөн бодлогоор өсөлтийг дэмжиж буй ч энэ нь санхүүгийн эрсдэл дагуулна www.bloombergtv.mn
Олон улсын Төв банкнууд хүүгээ бууруулахтай зэрэгцээд дэлхийн эдийн засгийн эрсдэл нэмэгдсэн гэж Олон Улсын Валютын Сан анхаарууллаа.
Тус сангаас шинээр танилцуулсан дэлхийн санхүүгийн тогтвортой байдлын тайланг харвал улс орнууд зөөлөн бодлогоор эдийн засгаа дэмжиж байгаа ч энэ нь санхүүгийн хувьд эмзэг байдлыг үүсгэж, дунд хугацааны өсөлтийг эрсдэлд оруулж байна. Тиймээс эрсдэлийг бууруулахын тулд хяналтаа чангатгах шаардлагатай байгааг санууллаа. Олон Улсын Валютын Сан тайландаа "Дэлхийн эдийн засгийн өсөлт саарч, улс орнууд хамтарч ажиллах шаардлага нэмэгдэж байна" гэж онцолсон байна. Ингэхдээ эдийн засгийн өсөлтийн таамаг нь өсөлтөө хадгалсан үзүүлэлттэй байгаа ч өрийн асуудалд болгоомжтой хандахыг зөвлөжээ.
Олон Улсын Валютын Сангийн Санхүүгийн албаны дарга Витор Гаспар
“Дэлхийн хэмжээнд өрийн түвшин дотоодын нийт бүтээгдэхүүний 226 хувь давна гэсэн гол тоо байна. Энэ нь 2017 оныхтой харьцуулахад бага өсөлтөд тооцогдож байгаа. Тухайн үед 225 хувь байсан. Гэхдээ дэлхийн санхүүгийн хямрал эхлэхээс өмнөх үетэй харьцуулахад маш утга учир агуулж буй үзүүлэлт. Гол нь дэлхийн хэмжээнд өрийн түвшин өссөөр байна” гэж мэдэгдлээ.
Нийтэлсэн огноо2019-10-17