Мэдээ мэдээлэл

Англи амин дэм Монгол улсад албан ёсоор бүртгэгдлээ.

Зэсийн баяжмалын экспорт I-X сард жилийн өмнөхөөс 2.5 хувиар буурч, 1.17 сая тонн болов www.bloombergtv.mn

Оны эхний 10 сард 1.17 сая тонн зэсийн баяжмалыг 1.5 тэрбум ам.доллароор экспортолсон байна. Үүнийг жилийн өмнөхтэй харьцуулахад биет хэмжээгээр 2.5 хувь, мөнгөн дүнгээр 7.7 хувиар буурсан талаар Үндэсний статистикийн хороо мэдээллээ.

Гол экспортлогчдын нэг “Оюу Толгой” ХХК-ийн олборлосон баяжмал дахь алт, зэсийн агууламж буурсан байна. Мөн борлуулалтын хэмжээг харвал оны эхний гурван улиралд нийт 944.6 сая ам.долларын борлуулалтын орлого олсон талаар “Turquoise Hill Resources” компани тайлагнажээ.

Оны эхний 10 сард 557.7 мянган тонн жоншны хүдэр, баяжмалыг 170.4 сая ам.доллароор борлуулсан байна. Өнгөрсөн оны мөн үетэй харьцуулахад биет хэмжээгээр 32 хувиар, мөнгөн дүнгээр 21 хувиар өссөн талаар Үндэсний статистикийн хороо мэдээллээ. Монгол Улс жоншны үйлдвэрлэлээр БНХАУ, Мексикийн дараа дэлхийд гуравдугаарт бичигддэг. Харин экспортын гол зах зээл нь БНХАУ болон ОХУ юм. Мөн Японы харилцагчид БНХАУ дахь салбараараа дамжуулан худалдаж авч байгаа тохиолдол бий гэдгийг Монголын жоншны холбоо мэдээллээ.

Түүнчлэн I-X сард 109 мянга гаруй тонн цайрын хүдэр, баяжмалыг 155.6 сая ам.доллароор борлуулжээ. Жилийн өмнөхтэй харьцуулахад биет хэмжээгээр зургаан хувиар өссөн бол мөнгөн дүнгээр 7.1 хувиар буурсан талаар Үндэсний статистикийн хороо мэдээлсэн юм.

Оны эцэст цайрын ханш сэргэнэ гэж найдаж байгаагаа гол экспортлогч “Цайрт минерал” компани мэдээлж байв. Хэдий тийм боловч цайрын ханш сүүлийн гурван долоо хоногийн хугацаанд буурсаар байна.

Лондоны Металлын бирж дэх фьючерс үнэ 2380 ам.доллар болжээ.

Нийтэлсэн огноо2019-11-19

Категори

Үйл явдал

Зэсийн баяжмалын экспорт I-X сард жилийн өмнөхөөс 2.5 хувиар буурч, 1.17 сая тонн болов www.bloombergtv.mn

Үйл Явдал

Мэдээ

Facebook