Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
SXCOAL: Ганцмодны агуулах дахь нүүрс ердийн үеийнхээс эрс багасав www.bloombergtv.mn
Монголоос БНХАУ-д экспортолж буй нүүрсний хэмжээ эрс буураад байна. Үүнтэй холбоотойгоор Гашуунсухайтын БНХАУ-ын талын Ганцмод боомтын агуулах дахь нүүрсний хэмжээ нэг сая тонн болж ердийн үеийнхээс эрс буурсныг “SXCoal” мэдээллээ.
Мөн тээврийн зардал өссөн байна. Цагаан хаднаас Ганцмод боомт хүртэлх тээврийн зардал өнгөрсөн долоо хоногийн эцсээр тонн нүүрс тутамд 10-20 юаниар нэмэгдсэн байна. Энэ долоо хоногийн эхэнд “Fenwei Energy”-ийн тооцоолдог үнийн индексээр Монголын угаагүй коксжих нүүрсний үнэ тонн тутамдаа 10 юаниар нэмэгдэж, 860 юань болжээ. Угаасан коксжих нүүрсний үнэ өмнөх долоо хоногтой харьцуулахад 20 юаниар, өмнөх сартай харьцуулахад 30 юаниар өсөж, 1060 юань болжээ.
Дорноговь аймагт “COVID-19”-ийн халдварын 17 тохиолдол илэрсний дараа БНХАУ-ын тал хилийн хяналтаа чангатгаж, Монголын нүүрс тээврийн жолооч нарыг Монгол Улс, БНХАУ-ын талд нэг, нэг удаа “COVID-19”-ийн шинжилгээ өгөхийг шаардаж эхэлсэн байна. Энэхүү шинжилгээ нь долоо хоногийн хугацаанд хүчинтэй. Мөн Ганцмод боомтоор үдээс өмнө нүүрс тээврийн автомашинуудыг нэвтрүүлж, үдээс хойш татан авалтаа зогсоож, хоосон автомашинуудыг буцаан гаргаж байгаа бөгөөд Монголын жолооч нарыг БНХАУ-ын талд хонуулахгүй байх шаардлага тавьж байна.
Даваа гарагийн байдлаар Гашуунсухайт боомтоор нүүрс тээврийн 211 автомашин, Шивээхүрэн боомтоор нүүрс тээврийн 216 автомашин нэвтэрсэн байна. Хэдий тийм боловч 9-10 дугаар сард өдөрт дунджаар 940 орчим автомашин гарч байсантай харьцуулахад ойролцоогоор 4.4 дахин бага дүн юм. Мягмар гарагийн өдрийн байдлаар 854 жолоочийг шинжилгээнд хамруулсан байна. Цаашид 5000 орчим жолоочийг шинжилгээнд бүрэн хамруулах юм байна.
УУХҮ-ийн дэд сайдаар ахлуулсан ажлын хэсэг Гашуунсухайт боомтод ажиллаж байгаа бөгөөд тэрбээр салбарын компаниудтай цахимаар хуралдсан байна. Энэ үеэр компаниуд үйл ажиллагаа хэвийн байгаа боловч хөл хориотой холбоотойгоор сэлбэг хэрэгсэл, тоног төхөөрөмж татан авах хүндрэл үүсэж болзошгүй байгааг онцолжээ. Холбогдох компаниудтай нарийвчилсан төлөвлөгөө гаргаж, онцгой дэглэмийн өндөр зохион байгуулалттай ажиллаж байна гэж УУХҮЯ мэдээллээ. Засгийн газар Гашуунсухайт, Шивээхүрэн боомтыг “Ногоон бүс” болгон зарлахаар зорьж байгаа юм.
Нийтэлсэн огноо2020-11-25
