СЯ: 2024 онд улсын төсвийн орлого 25.3 их наяд төгрөг, алдагдал хоёр их наяд төгрөг байхаар тусгав.2024 онд улсын нэгдсэн төсвийн тэнцвэржүүлсэн орлого өмнөх оныхоос таван их наяд төгрөгөөр нэмэгдсэн бол төсвийн зарлага 27.4 их наяд төгрөг байхаар боловсруулсан байна. Хэдийгээр төсвийн алдагдал хоёр их наяд төгрөг давахаар төсөлд тусгасан ч дотоодын нийт бүтээгдэхүүнд эзлэх хувь хэмжээ хуулийн хүрээнд буюу 2.8 хувьтай тэнцэж байгааг мэдээллээ.

2024 онд Монгол Улсын нэгдсэн төсвийн орлого, зарлага аль аль талдаа өсөж, төсвийн тэнцэл хоёр их наяд төгрөгийн алдагдалтай байхаар хуулийн төсөл боловсруулсан байна.
Төслийг боловсруулахдаа дотоодын нийт бүтээгдэхүүн жилийн долоон хувиар өсөж, 74 их наяд төгрөг хүрэх үндсэн тооцооллыг ашиглажээ. Төсвийн орлого бүрдэлтийн хувьд нүүрсний экспортыг 2023 оныхоос эрс нэмэгдүүлж, 60 сая тонн хүргэх, нэгжийн үнийг 140 ам.доллар, зэсийн экспорт 1.5 сая тонн хүрч, нэгжийн үнэ 9000 ам.доллар байх хүлээлттэйгээр боловсруулсан байна.

Өөрөөр хэлбэл нийт экспортын хэмжээ 15.3 тэрбум ам.доллар, нийт импорт 10 тэрбум орчим ам.доллар байх төсөөлөлтэй байгааг Сангийн яам мэдээллээ.

Төсвийн тэнцлийн хувьд алдагдал 2.1 их наяд төгрөг хүрч, 2024 оны батлагдсан төсвөөс өсөхөөр байгаа нь дотоодын нийт бүтээгдэхүүний 2.8 хувьтай тэнцэж байна.

Мөн 2024 онд иргэдийн орлогыг инфляцтай уялдуулж 10 хувиар нэмэгдүүлэх арга хэмжээ авахаар байгаа юм. Мөн төсвийн хөрөнгө оруулалтын хувьд хэд хэдэн аймгийг холбосон замыг шинэчлэх, эрүүл мэндийн шинэ төвүүд байгуулах ажлуудыг эхлүүлнэ гэж Сангийн сайд Б.Жавхлан мэдээллээ.

Нийтэлсэн огноо2023-10-04