Зөрчлийн тухай хуулийн 3.8.4 дүгээр зүйлд, олон удаагийн торгуультай болон замын хөдөлгөөний дүрэм ноцтой зөрчсөн жолоочийн жолоодох эрхийг хасах журам хэрэгжиж эхэлж байна. Учир нь 2024 онд Зөрчлийн тухай хууль болон зөрчлийг шалган шийдвэрлэх тухай хуульд нэмэлт өөрчлөлт оруулсан байдаг. Тодруулбал, уг журамд замын хөдөлгөөний дүрэм зөрчсөн жолоочийн торгуулийг хүндрүүлэх аргачлалыг нэмсэн. Энэ журам энэ оны нэгдүгээр сарын 1-нээс хэрэгжиж эхэлжээ.

Журам хэрэгжиж эхэлснээс хойш 120 гаруй иргэн жолоодох эрхээ нэг жилээр хасуулсан байна.

Жолооч өөрийн дугаар дээрх торгуулиа 15 хоногийн дотор төлбөл 50 хувиар хөнгөлүүлэх боломжтой юм. Харин 16 дахь хоногоос эхлэн торгуулийн хэмжээ нэмж тооцогддог юм байна. Нийслэлийн хэмжээнд 3-10 удаагийн торгуультай 300, 100 удаагийн торгуультай 500 гаруй тээврийн хэрэгсэл байгаа гэнэ. Мөн энэ оны нэгдүгээр сараас эхлэн торгуулийн хэмжээ нь 450 мянган төгрөгөөс дээш гарсан жолоочийг албадан хөдөлмөр эрхлүүлэх журам хэрэгжиж эхэлж байгаа юм.