Засгийн газрын хуралдаанаас гаргасан шийдвэрийн талаар Аж үйлдвэр, эрдэс баялгийн сайд Г.Дамдинням танилцууллаа.

Тэрбээр, "Засгийн газрын хуралдаанаар бүтээн байгуулалтын томоохон төслийг хэрэгжүүлэх шийдвэр гаргасан томоохон үйл явдал болж байна. Тухайлбал, Гангийн цогцолборыг бүтээн байгуулж ашиглалтад оруулах шийдвэр гаргалаа. 800 гаруй сая ам.долларын хөрөнгө оруулалттай жилд бид ойролцоогоор 1 сая тонн ган хэрэглэж байгаа.

Гангийн үйлдвэр баригдсанаар цементийн үйлдвэрлэл мөн буурна. 1700 орчим байнгын ажлын байрыг бий болгох аж үйлдвэрийн томоохон төсөл гараанаас гарч байна. Олон улсын хэмжээний томоохон компаниудад оролцох боломжийг нь нээлттэй зарлаж байна.

750 га газрыг Дархан-Уул аймагт Гангийн үйлдвэрт зориулан гаргах шийдвэрийг гаргасан. Аж үйлдвэр, эрдэс баялгийн салбар энэ Засгийн газрын үед томоохон үйлдвэрүүдээ ашиглалтад оруулах дээр төвлөрч байна. Дараагийнх нь зэс хайлуулах үйлдвэр байх болно.

Энэ хаврын тариалалтад зориулж 10 мянган тонн шатахууныг импортлогчдод нийлүүлнэ. Дотоодын хадгалах савны багтаамжийг нэмэгдүүлэх тал дээр яамнаас ажиллаж байна. Дизель түлшин дээр зах зээлийн нөхцөл байдлаас шалтгаалан үнийн хэлбэлзэл үүсэх нөхцөл бий. 3-6 сарын хугацаанд хэрэглэх шатахууны нөөцийг бүрдүүлэх хүрээнд ажилллаж байна. Үнийн хувьд мэдээж тогтворгүй байна. Зах зээлийн нөхцөл байдлыг ажиглахад, гал зогсоох хэлэлцээртэй холбоотойгоор нефтийн бүтээгдэхүүний үнэ 10 хувиар буурч байна. Гэхдээ нэг өдрийн үнийн бууралтаас шалтгаалсан нөлөөлөл нь одоо ирэхгүй. Үнэ дахиад өсөхийг хэлэх аргагүй. Газрын тосны бүтээн байгуулалтын ажил 50 гаруй хувьтай явж байгаа" гэв.

Т.БАТСҮРЭН

Нийтэлсэн огноо2026-04-08