Ирэх сарын нэгнээс зам ашигласны төлбөр нэмэгдэнэ. Тодруулбал, суудлын автомашин ₮5,000, ачааны автомашин ₮20,000 төлөх аж. Өмнө нь суудлын автомашинаас 1,000 төгрөг авдаг байсан бол 5,000 төгрөг, ачааны автомашинаас 10 мянган төгрөг авдаг байсан бол шинэчилсэн тогтоолоор 20 мянган төгрөг авахаар болж байна. Өөрөөр хэлбэл, тээврийн хэрэгслийн ангиллаас шалтгаалан 2-3 дахин нэмэгдүүлсэн юм.

Шинэчилсэн тариф нь нийслэл хотоос гарах болон орон нутаг, хот хоорондын бүх олон улс, улсын чанартай авто замуудад хамаарах аж. Улаанбаатар хотоос гарч аймгууд руу явах, эсвэл аймаг хооронд зорчих үед нэвтэрдэг нийт 33 цахим төлбөр авах цэг (пост)- бүхий замууд үүнд багтаж байгаа юм.

Улмаар жолоочийн нэр дээр нэхэмжлэл үүсээд, хаалт автоматаар өөрөө онгойх юм байна. Хэрэв тээврийн хэрэгслийн төлөгдөөгүй төлбөр 20 болон түүнээс дээш хуримтлагдсан тохиолдолд төлбөр хураах постын автомат хаалт нээгдэхгүй аж.

Цахим төлбөр байрлах үндсэн гол чиглэлийн замуудаас дурдвал:

• Төв болон баруун аймаг руу явах зам: Эмээлтийн пост (Арвайхээр, Баянхонгор, Ховд, Баян-Өлгий, Завхан, Увс чиглэл)
• Хойд аймаг руу явах зам: Эрдэнэтийн уулзвар, Дархан, Сэлэнгэ, Хөвсгөл, Орхон, Булган чиглэл,
• Зүүн аймаг руу явах зам: Налайхын уулзвар, Тэрэлжийн пост (Хэнтий, Сүхбаатар, Дорнод чиглэл)
• Өмнөд аймаг руу явах зам: Яармагийн эсвэл Төв аймгийн чиглэлийн постууд (Дундговь, Өмнөговь чиглэл).

Орон нутаг, олон улсын транзит замууд:

•  Алтанбулаг – Улаанбаатар – Замын-Үүд чиглэлийн олон улсын болон босоо тэнхлэгийн авто замууд
•  Аймгуудыг хооронд нь холбосон улсын чанартай хатуу хучилттай бүх авто замууд.

Нийтэлсэн огноо2026-07-22