Категори
- Ахуйн хэрэглээний бараа
- Аялал
- Банк, банк бус санхүү, хөрөнгө оруулалт
- Барилга
- Боловсрол
- Бусад бүтээгдэхүүн үйлчилгээ
- Гадаад худалдаа
- Геодез,Хайгуул
- Гэрэл, гэрэлтүүлэг
- Даатгал
- Зам харилцаа
- Инженер, Архитектор, Геодези
- Машин тоног төхөөрөмж,Авто машин
- Мэдээллийн технологи
- Оёдол, нэхмэлийн үйлдвэр
- Санхүү, аудит, нябо бүртгэл, брокер
- Тэсэлгээ
- Тээвэрлэлт, карго
- Уул уурхайн тоног төхөөрөмж
- Уул уурхайн үйлчилгээ
- Хөдөлмөр хамгаалал
- Хөдөө аж ахуй
- Хүнсий бараа, хоолны газар
- Хууль эрх зүй, бизнес зөвлөгөө
- Эрүүл мэнд
- Эрчим хүч
Үйл явдал
“Туркойз хилл ресурс”-ын хувьцааны ханш уналаа www.eagle.mn
Канадын хөрөнгийн биржид бүртгэлтэй “Туркойз хилл ресурс” компанийн хувьцааны ханш 1.50 хувиар унажээ. Шинжээчид хувьцааны үнийн уналтыг Компанийн хяналтын багцыг буюу 50.8 хувийг эзэмшдэг “Рио Тинто” болон бусад жижиг хувьцаа эзэмшигчдийн дунд гарсан зөрчилтэй холбон тайлбарлаж байна. “Туркойз хилл ресурс” нь “Оюутолгой” төслийн 66 хувийг эзэмшдэг юм. Төслийн 34 хувийг эзэмшигч Монгол Улсын Засгийн газар Оюутолгойн хөрөнгө оруулалтын гэрээний хэрэгжилтийг шалгах ажлын хэсэг байгуулан шалгалт явуулсантай холбоотойгоор “хөрөнгө оруулалтын гэрээг цуцална” гэсэн албан бус мэдээлэл цацагдсан, Засгийн газар гэрээг цуцлахгүй, засаж өөрчлөх асуудал л хөндөгдөнө гэдгийг албан ёсоор зарласан ч залгаад өндөр албан тушаалтнууд авлига авсан байж болзошгүй талаар эрх бүхий албан тушаалтан мэдэгдэл хийсэн зэрэг нь хувьцааны үнийн уналтад нөлөөлсөн байж магадгүй гэсэн дүгнэлтийг шинжээчид хийж байна.
Ер нь “Туркойз хилл ресурс”-ын хувьцааны ханш сүүлийн зургаан сард байнга унаж байгааг stocksequity.com онцолсон байна. Торонтогийн хөрөнгийн биржид өчигдөр компанийн нэгж хувьцааны өчигдрийн хаалтын ханш 1.75 канад доллартай тэнцэж байсан нь 20 хоногийн өмнөхөөс 12.78 хувиар унасан үзүүлэлт юм. Сүүлийн 50 хоногоор авч үзвэл 18.74, сүүлийн 200 хоногоор тооцвол 29.63 хувиар унажээ. Харин жилээр тооцвол бараг хоёр дахин унаад байна. Одоогоос яг жилийн өмнө тус компанийн нэгж хувьцааны ханш 3.76 канад доллартой тэнцэж байсан юм.
Нийтэлсэн огноо2019-05-15
